Akkadische und sumerische Texte (AST) Der Kodex Hammurabi (KH) Transliteration Quellen: Rykle Borger, Babylonisch-Assyrische Lesestücke³ (Analecta Orientalia 54) Heft I, XIII--XV, 2--50 (2006) Dokumentation (Fotos und Kopien): Cuneiform Digital Library Initiative (CDLI) http://cdli.ucla.edu/P249253 bearbeitet von Walter Sommerfeld Centrum für Nah- und Mittelost-Studien (CNMS) Philipps-Universität Marburg Version 1.0 10. Juli 2014 Dieses Werk ist lizenziert unter einer Creative Commons Namensnennung-Nicht kommerziell 4.0 International Lizenz. This work is licensed under a Creative Commons Attribution-NonCommercial 4.0 International License. http://creativecommons.org/licenses/by-nc/4.0/ (Prolog) I 1 ì-nu AN ṣi-ru-um 2 LUGAL {d}A-nun-na-ki 3 {d}En-líl 4 be-el ša-me-e 5 ù er-ṣe-tim 6 ša-i-im 7 ši-ma-at KALAM 8 a-na {d}AMAR.UD 9 DUMU re-eš-ti-im 10 ša {d}EN.KI 11 {d}EN.LÍL-ut 12 KIŠ ni-šì 13 i-ši-mu-šum 14 in I-gi₄-gi₄ 15 ú-šar-bí-ù-šu 16 KÁ.DINGIR.RA{ki} 17 šum-šu ṣi-ra-am ib-bi-ù 18 in ki-ib-ra-tim 19 ú-ša-te-ru-šu 20 i-na li-ib-bi-šu 21 šar-ru-tam da-rí-tam 22 ša ki-ma ša-me-e 23 ù er-ṣe-tim 24 iš-da-ša 25 šu-úr-šu-da 26 ú-ki-in-nu-šum 27 i-nu-mi-šu 28 Ḫa-am-mu-ra-bi 29 ru-ba-am 30 na-aʾ-dam 31 pa-li-iḫ ì-lí ia-ti 32 mi-ša-ra-am 33 i-na ma-tim 34 a-na šu-pí-i-im 35 ra-ga-am ù ṣe-nam 36 a-na ḫu-ul-lu-qí-im 37 dan-nu-um 38 en-ša-am 39 a-na la ḫa-ba-li-im 40 ki-ma {d}UTU 41 a-na SAG.GI₆ 42 wa-ṣe-e-em-ma 43 ma-tim 44 nu-wu-ri-im 45 AN 46 ù {d}En-líl 47 a-na ši-ir ni-ši 48 ṭú-ub-bi-im 49 šu-mi ib-bu-ú 50 Ḫa-am-mu-ra-bi 51 re-iu-um 52 ni-bi-it 53 {d}En-líl a-na-ku 54 mu-kam-me-er 55 nu-úḫ-ši-im 56 ù ṭú-úḫ-di-im 57 mu-ša-ak-li-il 58 mi-im-ma šum-šu 59 a-na Nibru{ki} Dur-an-ki 60 za-ni-nu-um 61 na-⸢aʾ⸣-du-um 62 ša É-kur 63 LUGAL le-iu-um 64 mu-te-er {uru}Eridu{ki} 65 a-na aš-ri-šu 66 mu-ub-bi-ib II 1 šu-luḫ É-abzu 2 ti-i-ib 3 ki-ib-ra-at 4 er-bé-tim 5 mu-šar-bí zi-ik-ru 6 KÁ.DINGIR.RA{ki} 7 mu-ṭì-ib 8 li-ib-bi {d}AMAR.UD 9 be-lí-šu 10 ša u₄-mi-šu 11 iz-za-zu 12 a-na É-sag-íl 13 NUMUN šar-ru-tim 14 ša {d}EN.ZU 15 ib-ni-ù-šu 16 mu-na-aḫ-ḫi-iš 17 {uru}Uri₅{ki} 18 wa-aš-ru-um 19 mu-uš-te-mi-qum 20 ba-bíl ḪÉ.GÁL 21 a-na ⸢É⸣-kiš-nu-gál 22 LUGAL ta-ši-im-tim 23 še-mu {d}UTU da-núm 24 mu-ki-in 25 SUḪUŠ UD.KIB.NUN{ki} 26 mu-ša-al-bi-iš 27 wa-ar-qí-im 28 gi-gu-ne-e {d}A-a 29 mu-ṣi-ir 30 É É-babbar 31 ša ki šu-ba-at ša-ma-i 32 UR.SAG g[a]-mi-il 33 Larsa{ki} 34 mu-ud-di-iš É-babbar 35 a-na {d}UTU 36 re-ṣi-šu 37 be-lum mu-ba-lí-iṭ 38 Unug{ki} 39 ša-ki-in me-e 40 nu-úḫ-ši-im 41 a-na ni-ši-šu 42 mu-ul-li 43 re-eš É-an-na 44 mu-kam-me-er 45 ḫi-iṣ-bi-im 46 a-na AN-nim 47 ù {d}INANNA 48 AN.DÙL ma-tim 49 mu-pa-aḫ-ḫi-ir 50 ni-ši sa₆-ap-ḫa-tim 51 ša Ì-si-in{ki} 52 mu-ṭa-aḫ-ḫi-id 53 nu-úḫ-ši-im 54 É É-gal-maḫ 55 GAL.UŠUM LUGAL-rí 56 ta-li-im 57 {d}Za-ba₄-ba₄ 58 mu-šar-ši-id 59 šu-ba-at {uru}Kiš{ki} 60 mu-uš-ta-ás-ḫi-ir 61 me-le-em-mi 62 É-me-te-ur-sag 63 mu-uš-te-eṣ-bi 64 pa-ar-ṣí ra-bu-ú-tim 65 ša {d}INANNA 66 pa-qí-id bi-tim 67 Ḫur-sag-kalam-ma 68 sa-par₄ na-ki-ri 69 ša Ìr-ra ru-šu 70 ú-ša-ak-ši-du III 1 ni-iz-ma-sú 2 mu-ša-te-er 3 {uru}Gú-du₈-a{ki} 4 mu-ra-ap-pí-iš 5 mi-im-ma šum-šu 6 a-na Mes-lam 7 ri-mu-um 8 ka-ad-ru-um 9 mu-na-ak-ki-ip za-i-ri 10 na-ra-am Tu-tu 11 mu-ri-iš 12 {uru}Bar-sí-pá{ki} 13 na-aʾ-du-um 14 la mu-up-pa-ar-ku-ú-um 15 a-na É-zi-da 16 i-lu LUGAL-rí 17 mu-de IGI.GÁL-im 18 mu-ša-ad-di-il 19 me-re-eš-tim 20 ša Dil-bad{ki} 21 mu-ga-ar-ri-in GUR₇.GUR₇ 22 a-na {d}Uraš 23 ga-aš-ri-im 24 be-lum sí-ma-at 25 ḫa-aṭ-ṭi-im 26 ù a-ge-em 27 ša ú-ša-ak-li-lu-šu 28 e-ri-iš-tum 29 {d}Ma-ma 30 mu-ki-in 31 ú-ṣú-ra-tim 32 ša Kèš{ki} 33 mu-de-eš-ši 34 ma-ka-li el-lu-tim 35 a-na {d}Nin-tu 36 mu-uš-ta-lum 37 gi-it-ma-lum 38 ša-i-im 39 mi-ri-tim 40 ù ma-aš-qí-tim 41 a-na Lagaš{ki} 42 ù Gír-su{ki} 43 mu-ki-il 44 ni-in-da-bé-e 45 ra-bu-tim 46 a-na É-ninnu 47 mu-tam-me-eḫ a-a-bi 48 mi-gi₄-ir 49 te-li-tim 50 mu-ša-ak-li-il 51 te-re-tim 52 ša ZÁBALA{ki} 53 mu-ḫa-ad-di 54 li-ib-bi Iš₈-tár 55 ru-bu-um el-lum 56 ša ni-iš qá-ti-šu 57 {d}IŠKUR i-du-ú 58 mu-ne-eḫ 59 li-ib-bi {d}IŠKUR 60 qú-ra-di-im 61 i-na {uru}IM{ki} 62 mu-uš-ta-ak-ki-in 63 sí-ma-tim 64 i-na É-u₄-gal-gal 65 LUGAL na-di-in 66 na-pí-iš-tim 67 a-na Adab{ki} 68 a-še-er 69 É É-maḫ 70 e-te-el LUGAL-rí 71 qá-ba-al 72 la ma-ḫa-ri-im IV 1 šu i-qí-šu 2 na-ap-ša-tam 3 a-na {uru}Maš-kán-ŠABRA{ki} 4 mu-še-eš-qí 5 nu-úḫ-ši-im 6 a-na Mes-lam 7 em-qum 8 mu-tab-bi-lum 9 šu ik-šu-du 10 na-ga-ab úr-ši-im 11 mu-uš-pa-az-zi-ir 12 ni-ši MÀ.AL.GU₇(NAG).A{ki} 13 in ka-ra-ši-im 14 mu-šar-ši-du 15 šu-ba-ti-ši-in 16 in nu-úḫ-ši-IN 17 a-na {d}EN.KI 18 ù {d}Dam-gal-nun-na 19 mu-šar-bu-ú 20 šar-ru-ti-šu 21 da-rí-iš i-ši-mu 22 zi-bi el-lu-tim 23 a-ša-re-ed LUGAL-rí 24 mu-ka-an-ni-iš 25 da-ad-mi 26 {i₇}BURANUN.NA 27 ì-tum {d}Da-gan 28 ba-ni-šu 29 šu ig-mi-lu 30 ni-ši Me-ra{ki} 31 ù Tu-tu-ul{ki} 32 ru-bu-um 33 na-aʾ-du-um 34 mu-na-wi-ir 35 pa-ni {d}Tišpak 36 ša-ki-in ma-ka-li el-lu-tim 37 a-na {d}Nin-a-zu 38 ša-ṭì-ip ni-ši-šu 39 in pu-uš-qí-im 40 mu-ki-in-nu 41 iš-di-ši-in 42 qer-bu-um 43 KÁ.DINGIR.RA{ki} 44 šu-ul-ma-ni-iš 45 SIPA ni-šì 46 ša ep-še-tu-šu 47 e-li Iš₈-tár ṭa-ba 48 mu-ki-in-ni Iš₈-tár 49 i-na É-ul-maš 50 qer-bu-um 51 A-kà-dè{ki} 52 re-bi-tim 53 mu-še-pí ki-na-tim 54 mu-šu-še-er am-mi 55 mu-te-er 56 {d}LÀMA-šu 57 da-mi-iq-tim 58 a-na {uru}A-šur₄{ki} 59 mu-še-ep-pí na-bi-ḫi 60 LUGAL ša i-na Ni-nu-a{ki} 61 i-na É-mes-mes 62 ú-šu-pí-ù 63 me-e {d}INANNA 64 na-aʾ-du-um 65 mu-uš-te-mi-qum 66 a-na DINGIR GAL.GAL 67 li-ib-li-ib-bi 68 ša Su-mu-la-DINGIR 69 IBILA da-núm 70 ša {d}EN.ZU-mu-ba-lí-iṭ V 1 NUMUN da-rí-um 2 ša šar-ru-tim 3 LUGAL da-núm 4 {d}UTU-šu 5 KÁ.DINGIR.RA{ki} 6 mu-še-ṣí nu-ri-im 7 a-na ma-at 8 Šu-me-rí-im 9 ù Ak-ka-di-im 10 LUGAL mu-uš-te-eš-mi 11 ki-ib-ra-at 12 ar-ba-im 13 mi-gi₄-ir {d}INANNA a-na-ku 14 i-nu-ma 15 {d}AMAR.UD 16 a-na šu-te-šu-ur ni-ši 17 KALAM ú-si-⸢im⸣ 18 šu-ḫu-zi-im 19 ú-wa-e-ra-an-ni 20 ki-it-tam 21 ù mi-ša-ra-am 22 i-na KA ma-tim 23 aš-ku-un 24 ši-ir ni-ši ú-ṭi-ib 25 i-nu-mi-šu (§1) 26 šum-ma a-wi-lum a-wi-lam 27 ú-ub-bi-ir-ma 28 ne-er-tam e-li-šu 29 id-di-ma 30 la uk-ti-in-šu 31 mu-ub-bi-ir-šu 32 id-da-ak (§2) 33 šum-ma a-wi-lum 34 ki-iš-pí 35 e-li a-wi-lim id-di-ma 36 la uk-ti-in-šu 37 ša e-li-šu 38 ki-iš-pu na-du-ú 39 a-na {d}I₇ 40 i-il-la-ak 41 {d}I₇ i-ša-al-li-a-am-ma 42 šum-ma {d}I₇ 43 ik-ta-ša-sú 44 mu-ub-bi-ir-šu 45 É-sú i-tab-ba-al 46 š[u]m-ma a-wi-lam šu-a-ti 47 {d}I₇ 48 ú-⸢te⸣-eb-bi-ba-aš-šu-ma 49 iš-ta-al-ma-am 50 ša e-li-šu 51 ki-iš-pí id-du-ú 52 id-da-ak 53 ša {d}I₇ 54 iš-li-a-am 55 É m[u]-ub-bi-ri-šu 56 i-tab-ba-[a]l (§3) 57 šum-ma a-wi-lum 58 i-na di-nim 59 a-na ši-bu-ut 60 sà-ar-ra-tim 61 ú-ṣí-a-am-ma 62 a-wa-at iq-bu-ú 63 la uk-ti-in 64 šum-ma di-nu-um šu-ú 65 di-in na-pí-iš-tim 66 a-wi-lum šu-ú 67 id-da-ak (§4) 68 šum-ma a-na ši-bu-ut VI 1 ŠE ù KÙ.BABBAR 2 ú-ṣí-a-am 3 a-ra-an 4 di-nim šu-a-ti 5 it-ta-na-aš-ši (§5) 6 šum-ma da-a-a-nu-um 7 di-nam i-di-in 8 pu-ru-sà-am 9 ip-ru-ús 10 ku-nu-uk-kam 11 ú-še-zi-ib 12 wa-ar-ka-nu-um-ma 13 di-in-šu i-te-ni 14 da-a-a-nam šu-a-ti 15 i-na di-in i-di-nu 16 e-ne-em 17 ú-ka-an-nu-šu-ma 18 ru-gu-um-ma-am 19 ša i-na di-nim šu-a-ti 20 ib-ba-aš-šu-ú 21 A.RÁ 12-šu 22 i-na-ad-di-in 23 ù i-na pu-úḫ-ri-im 24 i-na {giš}GU.ZA 25 da-a-a-nu-ti-šu 26 ú-še-et-bu-ú-šu-ma 27 ú-ul i-ta-ar-ma 28 it-ti da-a-a-ni 29 i-na di-nim 30 ú-ul uš-ša(TA)-ab (§6) 31 šum-ma a-wi-lum 32 NÍG.GA DINGIR 33 ù É.GAL 34 iš-ri-iq 35 a-wi-lum šu-ú 36 id-da-ak 37 ù ša šu-úr-qá-am 38 i-na qá-ti-šu 39 im-ḫu-ru 40 id-da-ak (§7) 41 [š]um-ma a-wi-lum 42 lu KÙ.BABBAR 43 lu KÙ.GI 44 lu ÌR lu GÉME 45 lu GU₄ lu UDU 46 lu ANŠE 47 ù lu mi-im-ma šum-šu 48 i-na qá-at DUMU a-wi-LUM 49 ù lu ÌR a-wi-lim 50 ba-lum ši-bi 51 ù ri-ik-sa-tim 52 iš-ta-am 53 ù lu a-na ma-ṣa-ru-tim 54 im-ḫu-ur 55 a-wi-lum šu-ú 56 šar-ra-aq id-da-ak (§8) 57 šum-ma a-wi-lum 58 lu GU₄ lu UDU lu ANŠE lu ŠAḪ 59 ù lu {giš}MÁ 60 iš-ri-iq 61 šum-ma ša i-lim 62 šum-ma ša É.GAL 63 A.RÁ 30-šu 64 i-na-ad-di-in 65 šum-ma ša MAŠ.EN.GAG 66 A.RÁ 10-šu i-ri-a-ab 67 šum-ma šar-ra-qá-nu-um 68 ša na-da-nim la i-šu 69 id-da-ak (§9) 70 šum-ma a-wi-lum VII 1 ša mi-im-mu-šu ḫal-qú 2 mi-im-ma-šu 3 ḫal-qá-am 4 i-na qá-ti a-wi-lim 5 iṣ-ṣa-ba-at 6 a-wi-lum ša ḫu-ul-qum 7 i-na qá-ti-šu 8 ṣa-ab-tu 9 na-di-na-nu-um-mi id-di-nam 10 ma-ḫar ši-bi-mi 11 a-ša-am 12 iq-ta-bi 13 ù be-el ḫu-ul-qí-im 14 ši-bi mu-de 15 ḫu-ul-qí-ia-mi 16 lu-ub-lam 17 iq-ta-bi 18 ša-a-a-ma-nu-um 19 na-di-in 20 id-di-nu-šum 21 ù ši-bi 22 ša i-na maḫ-ri-šu-nu 23 i-ša-mu it-ba-lam 24 ù be-el ḫu-ul-qí-im 25 ši-bi mu-de ḫu-ul-qí-šu 26 it-ba-lam 27 da-a-a-nu 28 a-wa-a-ti-šu-nu 29 i-im-ma-ru-ma 30 ši-bu ša maḫ-ri-šu-nu 31 ši-mu-um 32 iš-ša-mu 33 ù ši-bu mu-de 34 ḫu-ul-⸢qí⸣-im 35 mu-du-sú-nu 36 ma-ḫar i-lim 37 i-qá-ab-bu-ma 38 na-di-na-nu-um 39 šar-ra-aq id-da-ak 40 be-el ḫu-ul-qí-im 41 ḫu-lu-uq-šu 42 i-le-qé 43 ša-a-a-ma-nu-um 44 i-na bi-it 45 na-di-na-nim 46 KÙ.BABBAR iš-qú-lu 47 i-le-qé (§10) 48 šum-ma ša-a-a-ma-nu-um 49 na-di-in 50 id-di-nu-šum 51 ù ši-bi ša i-na maḫ-ri-šu-nu 52 i-ša-mu 53 la it-ba-lam 54 be-el ḫu-ul-qí-im-ma 55 ši-bi mu-de 56 ḫu-ul-qí-šu it-ba-lam 57 ša-a-a-ma-nu-um 58 šar-ra-aq id-da-ak 59 be-el ḫu-ul-qí-im 60 ḫu-lu-uq-šu 61 i-le-qé (§11) 62 šum-ma be-el ḫu-ul-qí-im 63 ši-bi mu-de 64 ḫu-ul-qí-šu 65 la it-ba-lam VIII 1 sà-ar 2 tu-uš-ša-am-ma id-ke (oder:) id-di!(KI) 3 id-da-ak (§12) 4 šum-ma na-di-na-nu-um 5 a-na ši-im-tim 6 it-ta-la-ak 7 ša-a-a-ma-nu-um 8 i-na bi-it 9 na-di-na-nim 10 ru-gu-um-me-e 11 di-nim šu-a-ti 12 A.RÁ 5-šu 13 i-le-qé (§13) 14 šum-ma a-wi-lum šu-ú 15 ši-bu-šu la qer-bu 16 da-a-a-nu a-da-nam 17 a-na ITI.6.KAM 18 i-ša-ak-ka-nu-šum-ma 19 šum-ma i-na ITI.6.KAM 20 ši-bi-šu la ir-de-a-am 21 a-wi-lum šu-ú 22 sà-ar 23 a-ra-an di-nim šu-a-ti 24 it-ta-na-aš-ši (§14) 25 šum-ma a-wi-lum 26 DUMU a-wi-lim 27 ṣe-eḫ-ra-am 28 iš-ta-ri-iq 29 id-da-ak (§15) 30 šum-ma a-wi-lum 31 lu ÌR É.GAL 32 lu GÉME É.GAL 33 lu ÌR MAŠ.EN.GAG 34 lu GÉME MAŠ.EN.GAG 35 KÁ.GAL uš-te-ṣí 36 id-da-ak (§16) 37 šum-ma a-wi-lum 38 lu ÌR lu GÉME 39 ḫal-qá-am 40 ša É.GAL 41 ù lu MAŠ.EN.GAG 42 i-na bi-ti-šu 43 ir-ta-qí-ma 44 a-na ši-si-it 45 na-gi-ri-im 46 la uš-te-ṣí-a-am 47 be-el É šu-ú 48 id-da-ak (§17) 49 šum-ma a-wi-lum 50 lu ÌR lu GÉME 51 ḫal-qá-am 52 i-na ṣe-ri-im 53 iṣ-ba-at-ma 54 a-na be-lí-šu 55 ir-te-de-a-aš-šu 56 2 GÍN KÙ.BABBAR 57 be-el ÌR 58 i-na-ad-di-iš-šum (§18) 59 šum-ma ÌR šu-ú 60 be-el-šu 61 la iz-za-kar 62 a-na É.GAL 63 i-re-ed-de-šu 64 wa-ar-ka-sú 65 ip-pa-ar-ra-ás-ma 66 a-na be-lí-šu 67 ú-ta-ar-ru-šu (§19) 68 šum-ma ÌR 69 šu-a-ti 70 i-na bi-ti-šu 71 ik-ta-la-šu 72 wa-ar-ka ÌR IX 1 i-na qá-ti-šu 2 it-ta-aṣ-ba-at 3 a-wi-lum šu-ú 4 id-da-ak (§20) 5 šum-ma ÌR 6 i-na qá-at 7 ṣa-bi-ta-ni-šu 8 iḫ-ta-li-iq 9 a-wi-lum šu-ú 10 a-na be-el ÌR 11 ni-iš i-lim 12 i-za-kar-ma 13 ú-ta-aš-šar (§21) 14 šum-ma a-wi-lum 15 bi-tam 16 ip-lu-uš 17 i-na pa-ni 18 pí-il-ši-im 19 šu-a-ti 20 i-du-uk-ku-šu-ma 21 i-ḫa-al-la-lu-šu (§22) 22 šum-ma a-wi-lum 23 ḫu-ub-tam 24 iḫ-bu-ut-ma 25 it-ta-aṣ-ba-at 26 a-wi-lum šu-ú 27 id-da-ak (§23) 28 šum-ma ḫa-ab-ba-tum 29 la it-ta-aṣ-ba-at 30 a-wi-lum 31 ḫa-ab-tum 32 mi-im-ma-šu 33 ḫal-qá-am 34 ma-ḫa-ar 35 i-lim 36 ú-ba-ar-ma 37 URU 38 ù ra-bi-a-nu-um 39 ša i-na er-ṣe-ti-šu-nu 40 ù pa-ṭi-šu-nu 41 ḫu-ub-tum 42 iḫ-ḫa-ab-tu 43 mi-im-ma-šu 44 ḫal-qá-am 45 i-ri-a-ab-bu-šum (§24) 46 šum-ma na-pí-iš-tum 47 URU ù ra-bi-a-nu-um 48 1 MA.NA KÙ.BABBAR 49 a-na ni-ši-šu 50 i-ša-qá-lu (§25) 51 šum-ma i-na É a-wi-lim 52 i-ša-tum 53 in-na-pí-iḫ-ma 54 a-wi-lum 55 ša a-na bu-ul-li-im 56 il-li-ku 57 a-na nu-ma-at 58 be-el É 59 i-in-šu iš-ši-ma 60 nu-ma-at 61 be-el É 62 il-te-qé(DI) 63 a-wi-lum šu-ú 64 a-na i-ša-tim šu-a-ti 65 in-na-ad-di (§26) 66 šum-ma lu AGA.UŠ 67 ù lu ŠU.ḪA 68 ša a-na ḫar-ra-an šar-ri-im 69 a-la-ak-šu X 1 qá-bu-ú 2 la il-li-ik 3 ù lu LÚ.ḪUN.GÁ 4 i-gur-ma 5 pu-úḫ-šu 6 iṭ-ṭa-ra-ad 7 lu AGA.UŠ 8 ù lu ŠU.ḪA šu-ú 9 id-da-ak 10 mu-na-ag-gi-ir-šu 11 É-sú 12 i-tab-ba-al (§27) 13 šum-ma lu AGA.UŠ 14 ù lu-ú ŠU.ḪA 15 ša i-na dan-na-at 16 šar-ri-im 17 ⸢tu-úr-ru⸣ 18 wa-ar-[k]i-šu 19 A.ŠÀ-šu ù {gi[š]}KIRI₆-šu 20 a-na ša-ni-im 21 id-di-nu-ma 22 i-li-⸢ik⸣-šu 23 it-ta-la-ak 24 šum-ma i[t]-tu-ra-am-ma 25 URU-šu ik-ta-áš-dam 26 A.ŠÀ-šu ù {giš}KIRI₆-šu 27 ú-ta-ar-ru-šum-ma 28 šu-ma i-li-ik-šu 29 i-il-la-ak (§28) 30 šum-ma lu A[G]A.UŠ 31 ù lu-ú ŠU.ḪA 32 ša i-na da[n]-na-at 33 šar-ri-im 34 tu-ú[r]-ru 35 DUMU-šu il-kam 36 a-la-kam i-le-i 37 A.ŠÀ ù {giš}KIRI₆ 38 in-na-ad-di-iš-šu[m]-ma 39 i-li-i[k a]-bi-šu 40 i-il-[la-a]k (§29) 41 šum-ma DUMU-šu 42 ṣe-ḫe-er-[m]a 43 i-li-ik a-bi-šu 44 a-la-kam 45 la i-le-i 46 ša-lu-uš-ti A.ŠÀ ù {giš}KIRI₆ 47 a-na um-mi-šu 48 in-na-a[d]-di-in-⸢ma⸣ 49 um-ma-⸢šu⸣ 50 ú-ra-ab-ba-⸢šu⸣ (§30) 51 šum-ma lu AGA.U[Š] 52 ù lu ŠU.⸢ḪA⸣ 53 A.ŠÀ-šu {giš}KIRI₆-š[u] ù É-s[ú] 54 i-na pa-ni il-ki-im 55 id-di-ma 56 ud-da-ap-pí-ir 57 ša-nu-um 58 wa-ar-ki-š[u] 59 A.ŠÀ-šu {giš}KIRI₆-šu 60 ù É-sú 61 iṣ-ba-at-ma 62 MU.3.KAM 63 i-li-ik-šu 64 it-ta-la-ak 65 šum-ma it-tu-ra-am-ma 66 A.ŠÀ-šu {giš}KIRI₆-šu ù É-sú 67 i-ir-ri-iš 68 ú-ul in-na-ad-di-iš-šum XI 1 ša iṣ-ṣa-ab-tu-ma 2 i-li-ik-šu 3 it-ta-al-ku 4 šu-ma i-il-la-ak (§31) 5 šum-ma ša-at-tam 6 iš-ti-a-at-ma 7 ud-da-ap-pí-ir-ma 8 it-tu-ra-am 9 A.ŠÀ-šu {giš}KIRI₆-šu ù É-sú 10 in-na-ad-di-iš-šum-ma 11 šu-ma i-li-ik-šu 12 i-il-⸢la-ak⸣ (§32) 13 [šum]-ma lu AGA.UŠ 14 ù lu ŠU.ḪA 15 ša i-na ḫar-ra-an 16 šar-ri-im 17 tu-úr-ru 18 DAM.GÀR ip-ṭú-ra-aš-šu-ma 19 URU-šu uš-ta-ak-ši-da-aš-šu 20 šum-ma i-na bi-ti-šu 21 ša pa-ṭa-ri-im 22 i-ba-aš-ši 23 šu-ma ra-ma-an-šu 24 i-pa-aṭ-ṭa-ar 25 šum-ma i-na bi-ti-šu 26 ša pa-ṭa-ri-šu 27 la i-ba-aš-ši 28 i-na É DINGIR URU-šu 29 ip-pa-aṭ-ṭár 30 šum-ma i-na É 31 DINGIR URU-šu 32 ša pa-ṭa-ri-šu 33 la i-ba-aš-ši 34 É.GAL i-pa-aṭ-ṭa-ar!(RI)-šu 35 A.ŠÀ-šu {giš}KIRI₆-šu 36 ù É-sú 37 a-na ip-ṭe₄-ri-šu 38 ú-ul in-na-ad-di-in (§33) 39 šum-ma lu PA.PA 40 ù lu-ú NU.BÀNDA 41 ÉREN ni-is-ḫa-tim 42 ir-ta-ši 43 ù lu a-na KASKAL 44 šar-ri-im 45 LÚ.ḪUN.GÁ pu-ḫa-am 46 im-ḫu-ur-ma 47 ir-te-de 48 lu PA.PA 49 ù lu NU.BÀNDA šu-ú 50 id-da-ak (§34) 51 šum-ma lu PA.PA 52 ù lu NU.BÀNDA 53 nu-ma-at AGA.UŠ il-te-qé 54 AGA.UŠ iḫ-ta-ba-al 55 AGA.UŠ a-na ig-ri-im 56 it-ta-di-in 57 AGA.UŠ i-na di-nim 58 ⸢a-na⸣ dan-nim iš-ta-ra-ak 59 qí-iš-ti šar-ru-um 60 [a]-na AGA.UŠ id-di-nu 61 il-te-qé(DI) 62 lu PA.PA 63 ù lu NU.BÀNDA šu-ú 64 id-da-ak (§35) 65 [š]um-ma a-wi-lum 66 ÁB.GU₄!(BI){ḫi-a} 67 ù U₈.UDU{ḫi-a} 68 ša šar-ru-um 69 a-na AGA.UŠ 70 id-di-nu XII 1 i-na qá-ti AGA.UŠ 2 iš-ta-am 3 i-na KÙ.BABBAR-šu 4 i-te-el-li (§36) 5 A.ŠÀ-um {giš}KIRI₆ ù É 6 ša AGA.UŠ ŠU.ḪA 7 ù na-ši bi-il-tim 8 a-na KÙ.BABBAR 9 ú-ul in!(I)-na-ad-di-in (§37) 10 šum-ma a-wi-lum 11 A.ŠÀ {giš}KIRI₆ ù É 12 ša AGA.UŠ ŠU.ḪA 13 ù na-ši ⸢GUN⸣ 14 iš-ta-⸢am⸣ 15 DUB-pa-šu 16 iḫ-ḫe-ep-pé 17 ù i-na KÙ.BABBAR-šu 18 i-te-el-li 19 A.ŠÀ {giš}KIRI₆ ù É 20 a-na be-lí-šu 21 i-ta-ar (§38) 22 AGA.UŠ ŠU.ḪA 23 ù na-ši GUN 24 i-na A.ŠÀ {giš}KIRI₆ ù É 25 ša il-ki-šu 26 a-na aš-ša-ti-šu 27 ù DUMU.MUNUS-šu 28 ú-ul i-ša-aṭ-ṭa-ar 29 ù a-na i-il-ti-šu 30 ú-ul i-na-ad-di-in (§39) 31 i-na A.ŠÀ {giš}KIRI₆ ù É 32 ša i-ša-am-mu-ma 33 i-ra-aš-šu-ú 34 a-na aš-ša-ti-šu 35 ù DUMU.MUNUS-šu 36 i-ša-aṭ-ṭár 37 ù a-na e-ḫi-il-ti-šu 38 i-na-ad-di-in (§40) 39 LUKUR DAM.GÀR 40 ù il-kum a-ḫu-ú-um 41 A.ŠÀ-šu {giš}KIRI₆-šu 42 ù É-sú a-na KÙ.BABBAR 43 i-na-ad-di-in 44 ša-a-a-ma-nu-um 45 i-li-ik A.ŠÀ 46 {giš}KIRI₆ ù É 47 ša i-ša-am-mu 48 i-il-la-ak (§41) 49 šum-ma a-wi-lum 50 A.ŠÀ {giš}KIRI₆ ù É 51 ša AGA.UŠ ŠU.ḪA 52 ù na-ši bi-il-tim 53 ú-pí-iḫ 54 ù ni-ip-la-tim 55 id-di-in 56 AGA.UŠ ŠU.ḪA 57 ù na-ši bi-il-tim 58 a-na A.ŠÀ-šu {giš}KIRI₆-šu ù É-šu 59 i-ta-ar 60 ù ni-ip-la-tim 61 ša in-na-ad-NU-šum 62 i-tab-ba-al (§42) 63 šum-ma a-wi-lum 64 A.ŠÀ a-na er-re-šu-tim 65 ú-še-ṣi-ma 66 i-na A.ŠÀ ŠE la uš-tab-ši 67 i-na A.ŠÀ ši-ip-ri-im XIII 1 la e-pé-ši-im 2 ú-ka-an-nu-šu-ma 3 ŠE ki-ma i-te-šu 4 a-na be-el A.ŠÀ 5 i-na-ad-di-in (§43) 6 šum-ma A.ŠÀ-am la i-ri-iš-ma 7 it-ta-di 8 ŠE ki-ma i-te-šu 9 a-na be-el A.ŠÀ 10 i-na-ad-di-in 11 ù A.ŠÀ ša id-du-ú 12 ma-a-a-ri 13 i-ma-aḫ-ḫa-aṣ 14 ⸢i-ša-ak-ka⸣-ak-ma 15 a-na be-el A.ŠÀ 16 ú-ta-ar (§44) 17 šum-ma a-wi-lum 18 A.ŠÀ KI.KAL 19 a-na MU.3.KAM 20 a-na te-ep-ti-tim 21 ú-še-ṣi-ma 22 a-aḫ-šu id-di-ma 23 A.ŠÀ la ip-te-te 24 i-na re-bu-tim 25 ša-at-tim 26 A.ŠÀ ma-a-a-ri 27 i-ma-aḫ-ḫa-aṣ 28 i-mar-ra-ar 29 ù i-ša-ak-ka-ak-ma 30 a-na be-el A.ŠÀ 31 ú-ta-ar 32 ù 18 IKU.E 33 10 ŠE.GUR 34 i-ma-a[d-d]a-ad (§45) 35 šum-ma a-wi-lum 36 A.ŠÀ-šu a-na GUN 37 a-na er-re-ši-im 38 id-di-in-ma 39 ù GUN ⸢A.ŠÀ⸣-šu 40 im-ta-ḫa-ar 41 wa-ar-ka A.ŠÀ 42 {d}IŠKUR ir-ta-ḫi-iṣ 43 ù lu bi-ib-bu-lum 44 it-ba-al 45 bi-ti-iq-tum 46 ša er-re-ši-im-ma (§46) 47 šum-ma GUN A.ŠÀ-šu 48 la im-ta-ḫar 49 ù lu a-na mi-iš-la-ni 50 ù lu a-na ša-lu-uš 51 A.ŠÀ id-di-in 52 ŠE ša i-na A.ŠÀ 53 ib-ba-aš-šu-ú 54 er-re-šum 55 ù be-el A.ŠÀ 56 a-na ap-ši-te-em 57 i-zu-uz-zu (§47) 58 šum-ma er-re-šum 59 aš-šum i-na ša-at-tim 60 maḫ-ri-tim 61 ma-na-ḫa-ti-šu 62 la il-qú!(LU)-ú 63 A.ŠÀ e-re-ša-am iq-ta-bi 64 be-el A.ŠÀ 65 ú-ul ú-up-pa-as 66 er-re-su-ma 67 A.ŠÀ-šu i-ir!(NI)-ri-iš-ma 68 ⸢i⸣-na BURU₁₄ 69 ki-ma ri-ik-sa-ti-šu 70 ŠE i-le-qé (§48) 71 šum-ma a-wi-lum 72 ḫu-bu-ul-lum 73 e-li-šu XIV 1 i-ba-aš-ši-ma 2 ⸢A⸣.ŠÀ-šu 3 {d}IŠKUR 4 ir-ta-⸢ḫi⸣-iṣ 5 ù lu-ú bi-ib-bu-l[u]m 6 it-ba-al 7 ù lu-ú i-na la me-e 8 ŠE i-na A.ŠÀ 9 la it-tab-ši 10 i-na ša-at-tim šu-a-ti 11 ŠE a-na ⸢be-el⸣ ḫu-bu-ul-[li-š]u 12 ú-ul ú-ta-ar 13 DUB-pa-šu 14 ú-ra-aṭ-ṭa-ab 15 ù ṣi-ib-tam 16 ša ša-at-tim šu-a-ti 17 ú-ul i-na-ad-di-in (§49) 18 šum-ma a-wi-lum 19 KÙ.BABBAR it-ti DAM.GÀR 20 il-qé-ma 21 A.ŠÀ ep-še-tim 22 ša ŠE ù lu ŠE.GIŠ.Ì 23 a-na DAM.GÀR id-di-in 24 A.ŠÀ e-ri-iš-ma 25 ŠE ù lu-ú ŠE.GIŠ.Ì 26 ša ib-ba-aš-šu-ú 27 e-si-ip ta-ba-al 28 iq-bi-šum 29 šum-ma er-re-šum 30 i-na A.ŠÀ ŠE 31 ù lu ŠE.GIŠ.Ì 32 uš-tab-ši 33 i-na BURU₁₄ ŠE ù ŠE.GIŠ.Ì 34 ša i-na A.ŠÀ ib-ba-aš-šu-ú 35 be-el A.ŠÀ-ma 36 i-le-qé-ma 37 ŠE ša KÙ.BABBAR-šu 38 ù ṣi-ba-sú 39 ša it-ti DAM.GÀR 40 il-qú-ú 41 ù ma-na-ḫa-at 42 e-re-ši-im 43 a-na DAM.GÀR 44 i-na-ad-di-in (§50) 45 šum-ma A.ŠÀ <ŠE> er-ša-am 46 ù lu-ú 47 A.ŠÀ ŠE.GIŠ.Ì 48 er-ša-⸢am⸣ id-di-in 49 ŠE ù lu ŠE.GIŠ.Ì 50 ša i-na A.ŠÀ 51 ib-ba-aš-šu-⸢ú⸣ 52 be-el A.ŠÀ-ma 53 i-le-qé-ma 54 KÙ.BABBAR ù ṣi-ba-sú 55 a-na DAM.GÀR ú-ta-ar (§51) 56 šum-ma KÙ.BABBAR 57 a-na tu-úr-ri-im 58 la i-šu 59 <ŠE ù lu> (?) ŠE.GIŠ.Ì 60 a-na ma-ḫi-ra-ti-šu-nu 61 ša KÙ.BABBAR-šu 62 ù ṣi-ib-ti-šu 63 ša it-ti DAM.GÀR il-qú-ú 64 a-na KA ṣi-im-da-at 65 šar-ri-im 66 a-na DAM.GÀR i-na-ad-di-in (§52) XV 1 šum-ma er-re-šum 2 i-na A.ŠÀ ŠE-am 3 ù lu ŠE.GIŠ.Ì 4 la uš-tab-ši 5 ri-ik-sa-ti-šu 6 ú-ul [i]-in-ni (§53) 7 šum-m[a a]-wi-lum 8 a-n[a KAR A.ŠÀ]-šu 9 du-u[n-nu-n]im 10 a-aḫ-šu i[d-di-m]a 11 KAR-[šu] 12 la ú-da[n-ni-in-ma] 13 i-na KA[R-šu] 14 pí-tum it-t[e-ep-te] 15 ⸢ù⸣ A.GÀR me-e uš-ta-bíl 16 a-wi-lum 17 ša i-na KAR-šu 18 pí-tum ip-pé-tu-ú 19 ŠE ša ú-ḫal-li-qú 20 i-ri-a-ab (§54) 21 šum-ma ŠE ri-a-ba-am 22 la i-le-i 23 šu-a-ti 24 ù bi-ša-šu 25 a-na KÙ.BABBAR 26 i-na-ad-di-nu-ma 27 DUMU A.GÀR{meš} 28 ša ŠE-šu-nu 29 mu-ú ub-lu 30 i-zu-uz-zu (§55) 31 šum-ma a-wi-lum 32 a-tap-pa-šu 33 a-na ši-qí-tim ip-te 34 a-aḫ-šu id-di-ma 35 A.ŠÀ i-te-šu 36 me-e uš-ta-bíl 37 ŠE ki-ma i-te-šu 38 i-ma-ad-da-ad (§56) 39 šum-ma a-wi-lum 40 me-e ip-te-ma 41 ep-še-tim ša A.ŠÀ i-te-šu 42 me-e uš-ta-bíl 43 18 IKU.E 44 10 ŠE.GUR 45 i-ma-ad-da-ad (§57) 46 šum-ma SIPA 47 a-na ša-am-mi 48 U₈.UDU{ḫi-a} šu-ku-lim 49 it-ti be-el A.ŠÀ 50 la im-ta-gàr-ma 51 ba-lum be-el A.ŠÀ 52 A.ŠÀ U₈.UDU{ḫi-a} 53 uš-ta-ki-il 54 be-el A.ŠÀ A.ŠÀ-šu 55 i-iṣ-ṣi-id 56 SIPA ša i-na ba-lum 57 be-el A.ŠÀ 58 A.ŠÀ U₈.UDU{ḫi-a} 59 ú-ša-ki-lu 60 e-le-nu-um-ma 61 18 IKU.E 62 20 ŠE.GUR 63 a-na be-el A.ŠÀ 64 i-na-ad-di-in (§58) 65 šum-ma iš-tu U₈.⸢UDU⸣{ḫi-a} 66 i-na A.GÀR 67 i-te-li-a-nim 68 ka-an-nu ga-ma-ar-tim 69 i-na KÁ.GAL 70 it-ta-aḫ-la-lu 71 SIPA U₈.UDU{ḫi-a} 72 a-na A.ŠÀ id-di-ma 73 A.ŠÀ U₈.UDU{ḫi-a} 74 uš-ta-ki-il 75 SIPA A.ŠÀ ú-ša-ki-lu 76 i-na-ṣa-ar-ma 77 i-na BURU₁₄ 78 18 IKU.E XVI 1 60 ŠE.GUR 2 a-na be-el A.ŠÀ 3 i-ma-ad-da-ad (§59) 4 šum-ma a-wi-lum 5 ba-lum be-el {giš}KIRI₆ 6 i-na {giš}KIRI₆ a-wi-lim 7 i-ṣa-am ik-ki-is 8 1/2 MA.NA KÙ.BABBAR 9 i-ša-qal (§60) 10 šum-ma a-wi-lum 11 A.ŠÀ a-na {giš}KIRI₆ [z]a-qá-pí-im 12 [a-n]a NU.{giš}⸢KIRI₆ id-di⸣-in 13 NU.{giš}KIRI₆ 14 {giš}KIRI₆ iz-qú-up 15 MU.4.KAM 16 {giš}KIRI₆ ú-ra-ab-ba 17 i-na ḫa-mu-uš-tim 18 ša-at-tim 19 be-el {giš}KIRI₆ 20 ù NU.{giš}KIRI₆ 21 mi-it-ḫa-ri-iš 22 i-zu-zu 23 be-el {giš}KIRI₆ 24 ḪA.LA-šu 25 i-na-sà-aq-ma 26 i-le-qé (§61) 27 šum-ma NU.{giš}KIRI₆ 28 A.ŠÀ i-na za-qá-pí-im 29 la ig-mur-ma 30 ni-di-tam i-zi-ib 31 ni-di-tam 32 a-na li-ib-bi ḪA.LA-šu 33 i-ša-ka-nu-šum (§62) 34 šum-ma A.ŠÀ 35 ša in-na-ad-nu-šum 36 a-na {giš}KIRI₆ la iz-qú-up 37 šum-ma AB.SÍN 38 GUN A.ŠÀ 39 ša ša-na-tim 40 ša in-na-du-ú 41 NU.{giš}KIRI₆ 42 a-na be-el A.ŠÀ 43 ki-ma i-te-šu 44 i-ma-ad-da-ad 45 ù A.ŠÀ ši-ip-ra-am 46 i-ip-pé-eš-ma 47 a-na be-el A.ŠÀ ú-ta-a-ar (§63) 48 šum-ma A.ŠÀ KI.KAL 49 A.ŠÀ ši-ip-ra-am 50 i-ip-pé-eš-ma 51 a-na!(ŠÀ) be-el A.ŠÀ 52 ú-ta-a-ar 53 ù 18 IKU.E 54 10 ŠE.GUR 55 ša ša-at-tim 56 iš-ti-a-at 57 i-ma-ad-da-ad (§64) 58 šum-ma a-wi-lum 59 {giš}KIRI₆-šu 60 a-na NU.{giš}KIRI₆ 61 a-na ru-ku-bi-im 62 id-di-in 63 NU.{giš}KIRI₆ 64 a-di {giš}KIRI₆ ṣa-ab-tu 65 i-na bi-la-at {giš}⸢KIRI₆⸣ 66 ši-it-ti-in 67 a-na be-el {giš}KIRI₆ 68 i-na-ad-di-in 69 ša-lu-uš-tam 70 šu-ú i-le-qé (§65) 71 šum-ma NU.{giš}KIRI₆ 72 {giš}KIRI₆ la ú-ra-ak-ki-ib-ma 73 bi-il-tam um-ta-ṭi 74 NU.{giš}KIRI₆ 75 bi-la-at {giš}KIRI₆ 76 a-na i-te-šu XVII 1 [i-ma-ad-da-ad] (Lücke von 7 Kolumnen) (§100) I r 1 ṣi-ba-a-at KÙ.BABBAR 2 ma-la il-qú-ú 3 i-sa-ad-dar-ma 4 u₄-mi-šu 5 i-ma-an-nu-ú-ma 6 DAM.GÀR-šu 7 i-ip-pa-al (§101) 8 šum-ma a-šar il-li-ku 9 ne-me-lam 10 la i-ta-mar 11 KÙ.BABBAR il-qú-ú 12 uš-ta-ša-na-ma 13 ŠÁMAN.LÁ a-na DAM.GÀR 14 i-na-ad-di-in (§102) 15 šum-ma DAM.GÀR 16 a-na ŠÁMAN.LÁ 17 KÙ.BABBAR a-na ta-ad-mi-iq-tim 18 it-ta-di-in-ma 19 a-šar il-li-ku 20 bi-ti-iq-tam 21 i-ta-mar 22 qá-qá-ad KÙ.BABBAR 23 a-na DAM.GÀR ú-ta-ar (§103) 24 šum-ma ḫar-ra-nam 25 i-na a-la-ki-šu 26 na-ak-ru-um 27 mi-im-ma ša na-šu-ú 28 uš-ta-ad-di-šu 29 ŠÁMAN.LÁ ni-iš i-lim 30 i-za-kar-ma 31 ú-ta-aš-šar (§104) 32 šum-ma DAM.GÀR 33 a-na ŠÁMAN.LÁ 34 ŠE SIKI Ì.GIŠ 35 ù mi-im-ma bi-ša-am 36 a-na pa-ša-ri-im 37 id-di-in 38 ŠÁMAN.LÁ KÙ.BABBAR 39 i-sa-ad-dar-ma 40 a-na DAM.GÀR 41 ú-ta-ar 42 ŠÁMAN.LÁ ka-ni-ik KÙ.BABBAR 43 ša a-na DAM.GÀR 44 i-na-ad-di-nu 45 i-le-qé (§105) 46 šum-ma ŠÁMAN.LÁ 47 i-te-gi-ma 48 ka-ni-ik KÙ.BABBAR 49 ša a-na DAM.GÀR 50 id-di-nu 51 la il-te-qé 52 KÙ.BABBAR la ka-ni-ki-im 53 a-na ni-ik-ka-as-sí-im 54 ú-ul iš-ša-ak-ka-an (§106) 55 šum-ma ŠÁMAN.LÁ 56 KÙ.BABBAR it-ti DAM.GÀR 57 il-qé-ma 58 DAM.GÀR-šu 59 it-ta-ki-ir 60 DAM.GÀR šu-ú 61 i-na ma-ḫar i-lim ù ši-bi 62 i-na KÙ.BABBAR le-qé-em 63 ŠÁMAN.LÁ ú-ka-an-ma 64 ŠÁMAN.LÁ KÙ.BABBAR 65 ma-la il-qú-ú 66 A.RÁ 3-šu a-na DAM.GÀR 67 i-na-ad-di-in (§107) 68 šum-ma DAM.GÀR [KÙ.BABBAR] 69 ŠÁMAN.LÁ i-qí-ip-ma 70 ŠÁMAN.LÁ mi-im-ma 71 ša DAM.GÀR id-di-nu-šum 72 a-na DAM.GÀR-šu II r 1 ut-te-er 2 DAM.GÀR mi-im-ma 3 ša ŠÁMAN.LÁ 4 id-di-nu-šum 5 it-ta-ki-ir-šu 6 ŠÁMAN.LÁ šu-ú 7 i-na ma-ḫar i-lim ù ši-bi 8 DAM.GÀR ú-ka-an-ma 9 DAM.GÀR aš-šum ŠÁMAN.LÁ-šu 10 ik-ki-ru 11 mi-im-ma ša il-qú-ú 12 A.RÁ 6-šu 13 a-na ŠÁMAN.LÁ 14 i-na-ad-di-in (§108) 15 šum-ma MUNUS.KURUN.NA 16 a-na ŠÁ[M] KAŠ 17 ŠE la im-ta-ḫar 18 i-na NA₄ ra-bi-tim 19 KÙ.BABBAR im-ta-ḫar 20 ù KI.LAM KAŠ 21 a-na KI.LAM ŠE um-ta-ṭi 22 MUNUS.KURUN.NA šu-a-ti 23 ú-ka-an-nu-ši-ma 24 a-na ⸢me⸣-e 25 i-n[a-ad-d]u-ú-ši (§109) 26 šu[m-m]a MUNUS.KURUN.NA 27 sà-ar-ru-tum 28 i-na É-ša 29 it-tar-ka-⸢sú⸣-ma 30 sà-ar-ru-tim šu-nu-ti 31 la iṣ-ṣa-ab-tam-ma 32 a-na É.GAL 33 la ir-de-a-am 34 MUNUS.KURUN.NA ši-i 35 id-da-ak (§110) 36 š[u]m-ma LUKUR NIN.DINGIR 37 ša i-na GÁ.GI₄.A 38 la wa-aš-ba-at 39 É.KURUN.NA ip-te-te 40 ù lu a-na KAŠ 41 a-na É.KURUN.NA 42 i-te-ru-ub 43 a-wi-il-tam šu-a-ti 44 i-qal-lu-ú-ši (§111) 45 šum-ma MUNUS.KURUN.NA 46 1 KAŠ.Ú.SA.KA.GAG!(NI) 47 a-na qí!(DI)-ip-tim id-di-in 48 i-na BURU₁₄ 49 0.0.5 ŠE i-le-qé (§112) 50 šum-ma a-wi-lum 51 i-na ḫar-ra-nim 52 wa-ši-ib-ma 53 KÙ.BABBAR KÙ.GI NA₄ 54 ù bi-iš qá-ti-šu 55 a-na a-wi-lim 56 id-di-in-ma 57 a-na ši-bu-ul-tim 58 ú-ša-bíl-šu 59 a-wi-lum šu-ú 60 mi-im-ma ša šu-bu-lu 61 a-šar šu-bu-lu 62 la id--in-ma 63 it-ba-al 64 be-el ši-bu-ul-tim 65 a-wi-lam šu-a-ti 66 i-na mi-im-ma 67 ša šu-bu-lu-ma 68 la id-di-nu 69 ú-ka-an-<>šu-ma 70 a-wi-lum šu-ú 71 A.RÁ 5-šu mi-im-ma 72 ša in-na-ad-nu-šum 73 a-na be-el ši-bu-ul-tim 74 i-na-ad-di-in (§113) 75 šum-ma a-wi-lum 76 e-li a-wi-lim III r 1 ŠE ⸢ù⸣ KÙ.BABBAR i-šu-ma 2 i-na ba-lum be-el ŠE 3 i-na na-aš-pa-ki-im 4 ù lu i-na ma-aš-ka-nim 5 ŠE il-te-qé 6 a-wi-lam šu-a-ti 7 i-na ba-lum be-el ŠE 8 i-na na-aš-pa-ki-im 9 ⸢ù⸣ lu i-na KISLAḪ 10 ⸢i-na⸣ ŠE le-qé-em 11 ú-ka-an-nu-šu-ma 12 ŠE ma-la il-⸢qú⸣-ú 13 ú-ta-ar 14 ù i-na mi-im-ma šum-šu 15 ma-la id-di-nu 16 i-te-el-li (§114) 17 šum-ma a-wi-lum 18 e-li a-wi-lim 19 ŠE ù KÙ.BABBAR 20 la i-šu-ma 21 ni-pu-sú it-te-pé 22 a-na ni-pu-tim 23 iš-ti-a-at 24 1/3 MA.NA KÙ.BABBAR 25 i-ša-qal (§115) 26 šum-ma a-wi-lum 27 e-li a-wi-lim 28 ŠE ù KÙ.BABBAR 29 i-šu-ma 30 ni-pu-sú ip-pé-ma 31 ni-pu-tum 32 i-na É ne-pí-ša 33 i-na ši-ma-ti-ša 34 im-tu-ut 35 di-nu-um šu-ú 36 ru-gu-um-ma-am 37 ú-ul i-šu (§116) 38 šum-ma ni-pu-tum 39 i-na É ne-pí-ša 40 i-na ma-ḫa-ṣí-im 41 ù lu i-na uš-šu-ši-im 42 im-tu-ut 43 be-el ni-pu-tim 44 DAM.GÀR-šu 45 ú-ka-an-ma 46 šum-ma DUMU a-wi-lim 47 DUMU-šu i-du-uk-ku 48 šum-ma ⸢ÌR⸣ a-wi-lim 49 1/3 MA.NA KÙ.BABBAR 50 i-ša-qal 51 ù i-na mi-im-ma šum-šu 52 ma-la id-di-nu 53 i-te-el-li (§117) 54 šum-ma a-wi-lam 55 e-ḫi-il-tum 56 iṣ-ba-sú-ma 57 DAM-sú DUMU-šu ù DUMU.MUNUS-sú 58 a-na KÙ.BABBAR id-di-in 59 ù lu a-na ki-iš-ša-a-tim 60 it-ta-an-di-in 61 MU.3.KAM 62 É ša-a-a-ma-ni-šu-nu 63 ù ka-ši-ši-šu-nu 64 i-ip-pé-šu i-na re-bu-tim 65 ša-at-tim 66 an-du-ra-ar-šu-nu 67 iš-ša-ak-ka-an (§118) 68 šum-ma ÌR ù lu GÉME 69 a-na ki-iš-ša-tim 70 it-ta-an-di-in 71 DAM.GÀR ú-še-te-eq 72 a-na KÙ.BABBAR i-na-ad-din 73 ú-ul ib-ba-qar (§119) 74 šum-ma a-wi-lam 75 e-ḫi-il-tum 76 iṣ-ba-sú-ma 77 GÉME-sú ša DUMU{meš} ul-du-šum 78 a-na KÙ.BABBAR it-ta-din IV r 1 KÙ.BABBAR DAM.GÀR iš-qú-lu 2 be-el GÉ[M]E i-ša-qal-m[a] 3 GÉME-s[ú] i-pa-ṭá[r] (§120) 4 šum-ma a-wi-lum 5 ŠE-⸢šu⸣ a-na na-aš-pa-ku-tim 6 i-na É a-wi-LUM 7 iš-pu-uk-ma 8 i-na qá-ri-tim 9 i-ib-bu-ú-um it-tab-ši 10 ù lu be-el É 11 na-aš-pa-kam ip-te-ma 12 ŠE il-qé 13 ù lu ŠE ša i-na É-šu 14 iš-ša-ap-ku 15 a-na ga-⸢am⸣-ri-im 16 it-ta-ki-ir 17 be-el ŠE ma-ḫar i-lim 18 ŠE-šu ú-ba-ar-ma 19 be-el É 20 ŠE ša il-qú!(LU)-ú 21 uš-ta-ša-na-ma 22 a-na be-el ŠE 23 i-na-ad-di-in (§121) 24 šum-ma a-wi-lum 25 i-na É a-wi-lim 26 ŠE iš-pu-uk 27 i-na ša-na-at 28 a-na 1.0.0 ŠE.GUR.E 5 SÌLA ŠE 29 Á na-aš-pa-ki-im 30 i-na-ad-di-in (§122) 31 šum-ma a-wi-lum 32 a-na a-wi-lim 33 KÙ.BABBAR KÙ.GI 34 ù mi-im-ma šum-šu 35 a-na ma-ṣa-ru-tim 36 i-na-ad-di-in 37 mi-im-ma ma-la 38 i-na-ad-di-nu 39 ši-bi ú-kál-lam 40 ri-ik-sa-tim 41 i-ša-ak-ka-an-ma 42 a-na ma-ṣa-ru-tim 43 i-na-ad-di-in (§123) 44 šum-ma ba-lum ši-bi 45 ù ri-ik-sa-tim 46 a-na ma-ṣa-ru-tim 47 id-di-in-ma 48 a-šar id-di-nu 49 it-ta-ak-ru-šu 50 di-nu-um šu-ú 51 ru-gu-um-ma-am 52 ú-ul i-šu (§124) 53 šum-ma a-wi-lum 54 a-na a-wi-lim 55 KÙ.BABBAR KÙ.GI 56 ù mi-im-ma šum-šu 57 ma-ḫar ši-bi 58 a-na ma-ṣa-ru-tim 59 id-di-in-ma 60 it-ta-ki-ir-šu 61 a-wi-lam šu-a-ti 62 ú-ka-an-nu-šu-ma 63 mi-im-ma ša ik-ki-ru 64 uš-ta-ša-na-ma 65 i-na-ad-di-in (§125) 66 šum-ma a-wi-lum 67 mi-im-ma-šu 68 a-na ma-ṣa-ru-tim id-di-in-ma 69 a-šar id-di-nu 70 ù lu i-na pí-il-ši-im (71/2) ù lu i-na na-ba-al-ka-at-tim 73 mi-im-mu-šu 74 it-ti mi-im-me-e 75 be-el É iḫ-ta-li-iq be-el É ša i-gu-ma 76 mi-im-ma ša a-na 77 ma-ṣa-ru-tim id-di-nu-šum-ma 78 ú-ḫal-li-qú 79 ú-ša-lam-ma V r 1 a-na be-el NÍG.GA 2 i-ri-a-ab 3 be-el É 4 mi-im-ma-šu ḫal-qá-am 5 [i]š-te-ne-i-ma 6 [it]-ti šar-ra-⸢qá⸣-ni-šu 7 i-[l]e-qé (§126) 8 šum-m[a a]-wi-lum 9 mi-im-[m]u-šu 10 la ḫa-li-[iq-m]a 11 mi-im-[me-e] 12 ḫa-li-[iq] iq-ta-⸢bi⸣ 13 ba-ab-ta-šu 14 ú-te-eb-bi-ir 15 ki-ma mi-im-mu-šu 16 ⸢la⸣ ḫal-qú 17 ba-ab-ta-šu 18 i-na ma-ḫar i-lim 19 ú-ba-ar-šu-ma 20 mi-im-ma 21 ša ir-gu-mu 22 uš-ta-ša-na-ma 23 a-na ba-ab-ti-⸢šu⸣ 24 i-na-ad-di-in (§127) 25 šum-m[a] a-wi-lum 26 e-li NIN.DINGIR 27 ù aš-ša-at a-wi-lim 28 ú-ba-nam ú-ša-at-ri-iṣ-ma 29 la uk-ti-in 30 a-wi-lam šu-a-ti 31 ma-ḫar da-a-a-ni 32 i-na-ad-du-ú-šu 33 ù mu-ut-ta-[s]ú 34 ú-gal-la-bu (§128) 35 šum-ma a-wi-lum 36 aš-ša-tam 37 i-ḫu-uz-ma 38 ri-ik-sa-ti-ša 39 la iš-ku-un 40 MUNUS ši-i 41 ú-ul aš-ša-at (§129) 42 šum-ma aš-ša-at a-wi-lim 43 ⸢it⸣-ti zi-ka-ri-im 44 ša-ni-im 45 i-na i-tu-lim 46 it-ta-aṣ-bat 47 i-ka-sú-šu-nu-ti-ma 48 a-na me-e 49 i-na-ad-du-ú-šu-nu-ti 50 šum-ma be-el aš-ša-tim 51 aš-ša-sú ú-ba-la-aṭ 52 ù šar-ru-um 53 ÌR-sú ú-ba-la-aṭ (§130) 54 šum-ma a-wi-lum 55 aš-ša-at a-wi-lim 56 ša zi-ka-ra-am 57 la i-du-ú-ma 58 i-na É a-bi-ša 59 wa-aš-ba-at 60 ú-kab-bíl-ši-ma 61 i-na su-ni-ša 62 it-ta-ti-il-ma 63 iṣ-ṣa-ab-tu-šu 64 a-wi-lum šu-ú 65 id-da-ak 66 MUNUS ši-i 67 ú-ta-aš-šar (§131) 68 šum-ma a[š]-ša-at 69 a-wi-lim 70 mu-sà ú-ub-bi-ir-ši-ma 71 it-ti zi-ka-ri-im ša-ni-im 72 i-na ú-tu-lim 73 la iṣ-ṣa-bi-it 74 ni-iš i-lim 75 i-za-kar-ma 76 a-na É-ša i-ta-ar (§132) 77 šum-ma aš-ša-at 78 a-wi-lim 79 aš-šum zi-ka-ri-im ša-ni-im 80 ú-ba-nu-um 81 e-li-ša 82 it-ta-ri-iṣ-ma 83 it-ti zi-ka-ri-im VI r 1 ša-ni-im 2 i-na ú-tu-lim 3 la it-ta-aṣ-ba-at 4 a-na mu-ti-ša 5 {d}I₇ 6 i-ša-al-li (§133) 7 šum-ma a-wi-lum 8 iš-ša-li-il-ma 9 i-na É-šu 10 ša a-ka-lim 11 [i]-ba-aš-ši 12 [aš-š]a-sú 13 [a-di mu?]-sà [ṣa-ab-t]u (?) 14 [pa-gàr-š]a 15 [i-na-ṣa-a]r 16 [a-na É ša-ni-i]m 17 [ú-ul i-ir]-⸢ru⸣-ub (§133b) 18 š[um-m]a MUNUS ši-i 19 [pa]-g[à]r-ša 20 la iṣ-ṣur-ma 21 a-na É ša-ni-im 22 i-te-ru-ub 23 MUNUS šu-a-ti 24 ú-ka-an-nu-ši-ma 25 a-na me-e 26 i-na-⸢ad⸣-du-ú-ši (§134) 27 šum-ma a-wi-lum 28 iš-ša-li-il-ma 29 i-na É-šu 30 ša a-ka-li-im 31 la i-ba-aš-ši 32 aš-ša-sú 33 a-na É ša-ni-im 34 i-ir-ru-ub 35 MUNUS ši-i 36 ar-nam ú-ul i-šu (§135) 37 šum-ma a-wi-lum 38 iš-ša-li-il-ma 39 i-na É-šu 40 ša a-ka-li-im 41 la i-ba-aš-ši 42 a-na pa-ni-šu 43 aš-ša-sú 44 a-na É ša-ni-im 45 i-te-ru-ub-ma 46 DUMU{meš} it-ta-la-ad 47 i-na wa-ar-ka 48 mu-sà it-tu-ra-am-ma 49 URU-šu 50 ik-ta-áš-dam 51 MUNUS ši-i 52 a-na ḫa-wi-ri-ša 53 i-ta-ar 54 DUMU{meš} wa-ar-ki 55 a-bi-šu-nu 56 i-il-la-ku (§136) 57 šum-ma a-wi-lum 58 URU-šu id-di-ma 59 it-ta-bi-it 60 wa-ar-ki-šu 61 aš-ša-sú 62 a-na É ša-ni-im 63 i-te-ru-ub 64 šum-ma a-wi-lum šu-ú 65 it-tu-ra-am-ma 66 aš-ša-sú 67 iṣ-ṣa-ba-at 68 aš-šum URU-šu 69 i-ze-ru-ma 70 in-na-bi-tu 71 aš-ša-at mu-na-ab-tim 72 a-na mu-ti-ša 73 ú-ul i-ta-ar (§137) 74 šum-ma a-wi-lum 75 a-na {f}šu-gi₄-tim 76 ša DUMU{meš} ul-du-šum ù lu LUKUR ša DUMU{meš} 77 ú-šar-šu-šu 78 e-zé-bi-im 79 pa-ni-šu 80 iš-ta-ka-an 81 a-na MUNUS šu-a-ti 82 še-ri-ik-ta-ša 83 ú-ta-ar-ru-ši-im 84 ù mu-ut-ta-at 85 A.ŠÀ {giš}KIRI₆ ù bi-ši-im VII r 1 i-na-ad-di-nu-ši-im-ma 2 DUMU{meš}-ša 3 ú-ra-ab-ba 4 iš-tu DUMU{meš}-ša 5 úr-ta-ab-bu-ú 6 i-na mi-im-ma 7 ša a-na DUMU{meš}-ša 8 in-na-ad-nu 9 zí-it-tam 10 ki-ma ap-lim iš-te-en 11 i-na-ad-di-nu-ši-im-ma 12 mu-tu li-ib-bi-ša 13 i-iḫ-ḫa-as-sí (§138) 14 šum-ma a-wi-lum 15 ḫi-ir-ta-šu 16 ša DUMU{meš} la ul-du-šum 17 i-iz-zi-ib 18 KÙ.BABBAR ma-la 19 ter-ḫa-ti-ša 20 i-na-ad-di-iš-ši-im 21 ù še-ri-ik-tam 22 ša iš-tu É a-bi-ša ub-lam 23 ú-ša-lam-ši-im-ma 24 i-iz-zi-ib-ši (§139) 25 šum-ma ter-ḫa-tum 26 la i-ba-aš-ši 27 1 MA.NA KÙ.BABBAR 28 a-na ú-zu-ub-bé-em 29 i-na-ad-di-iš-ši-im (§140) 30 šum-ma MAŠ.EN.GAG(NI) 31 1/3 MA.NA KÙ.BABBAR 32 i-na-ad-di-iš-ši-im (§141) 33 šum-ma aš-ša-at a-wi-lim 34 ša i-na É a-wi-lim 35 wa-aš-ba-at 36 a-na wa-ṣe-em 37 pa-ni-ša 38 iš-ta-ka-an-ma 39 sí-ki-il-tam 40 i-sà-ak-ki-il 41 É-sà ú-sà-ap-pa-aḫ 42 mu-sà ú-ša-am-ṭa 43 ú-ka-an-nu-ši-ma 44 šum-ma mu-sà 45 e-zé-eb-ša 46 iq-⸢ta⸣-bi 47 i-iz-zi-ib-ši 48 ḫa-ra-an-ša 49 ú-zu-ub-bu-ša 50 mi-im-ma 51 ú-ul in-na-ad-di-iš-ši-im 52 šum-ma mu-sà 53 la e-zé-eb-ša iq-ta-bi 54 mu-sà MUNUS ša-ni-tam 55 i-iḫ-ḫa-az 56 MUNUS ši-i 57 ki-ma GÉME 58 i-na É mu-ti-ša 59 uš-ša-ab (§142) 60 šum-ma MUNUS mu-sà i-ze-er-ma 61 ú-ul ta-aḫ-ḫa-za-an-ni 62 iq-ta-bi 63 wa-ar-ka-sà 64 i-na ba-ab-ti-ša 65 ip-pa-ar-ra-ás-ma (§143) 66 šum-ma na-aṣ-ra-at-ma 67 ḫi-ṭi-tam 68 la i-šu 69 ù mu-sa₆ 70 wa-ṣí-ma 71 ma-ga-al 72 ú-ša-am-ṭa-ši 73 MUNUS ši-i VIII r 1 ar-nam ú-ul i-šu 2 še-ri-ik-ta-ša 3 i-le-qé-ma 4 a-na É a-bi-ša 5 it-ta-al-la-ak 6 šum-ma la na-aṣ-ra-at-ma 7 wa-ṣí-a-at 8 bi-sà ú-sà-ap-pa-aḫ 9 mu-sà ú-ša-am-ṭa 10 MUNUS šu-a-ti 11 a-na me-e 12 i-na-ad-du-ú-ši (§144) 13 šum-ma a-wi-lum 14 LUKUR i-ḫu-uz-ma 15 LUKUR ši-i 16 GÉME a-na mu-ti-ša 17 id-di-in-ma 18 DUMU{meš} uš-tab-ši 19 a-wi-lum šu-ú 20 a-na {f}šu-gi₄-tim 21 a-ḫa-zi-im 22 pa-ni-šu 23 iš-ta-ka-an 24 a-wi-lam šu-a-ti 25 ú-ul i-ma-ag-ga-ru-šu 26 {f}šu-gi₄-tam 27 ú-ul i-iḫ-ḫa-az (§145) 28 šum-ma a-wi-lum 29 LUKUR i-ḫu-uz-ma 30 DUMU{meš} la ú-šar-ši-šu-ma 31 a-na {f}šu-gi₄-tim 32 a-ḫa-zi-im 33 pa-ni-šu 34 iš-ta-ka-an 35 a-wi-lum šu-ú 36 {f}šu-gi₄-tam 37 i-iḫ-ḫa-az 38 a-na É-šu 39 ú-še-er-re-eb-ši 40 {f}šu-gi₄-tum ši-i 41 it-ti LUKUR 42 ú-ul uš-ta-ma-aḫ-ḫa-ar (§146) 43 šum-ma a-wi-lum 44 LUKUR i-ḫu-uz-ma 45 GÉME a-na mu-ti-ša 46 id-di-in-ma 47 DUMU{meš} it-ta-la-ad 48 wa-ar-ka-nu-um 49 GÉME ši-i 50 it-ti be-el-ti-ša 51 uš-ta-tam-ḫi-ir 52 aš-šum DUMU{meš} ul-du 53 be-le-sà 54 a-na KÙ.BABBAR 55 ú-ul i-na-ad-di-iš-ši 56 ab-bu-ut-tam 57 i-ša-ak-ka-an-ši-ma 58 it-ti GÉME{ḫi-a} 59 i-ma-an-nu-ši (§147) 60 šum-ma DUMU{meš} 61 la ú-li-id 62 be-le-sà 63 a-na KÙ.BABBAR 64 i-na-ad-di-iš-ši (§148) 65 šum-ma a-wi-lum 66 aš-ša-tam 67 i-ḫu-uz-ma 68 la-aʾ-bu-um 69 iṣ-ṣa-ba-as-sí 70 a-na ša-ni-tim 71 a-ḫa-zi-im 72 pa-ni-šu 73 iš-ta-ka-an 74 i-iḫ-ḫa-az 75 aš-ša-sú 76 ša la-aʾ-bu-um 77 iṣ-ba-tu 78 ú-ul i-iz-zi-ib-ši 79 i-na É i-pu-šu 80 uš-ša-am-ma 81 a-di ba-al-ṭa-at ⸢it⸣-ta-na-aš-ši-ši (§149) IX r 1 šum-ma MUNUS ši-i 2 i-na É mu-ti-ša 3 wa-ša-ba-am 4 la im-ta-gàr 5 še-ri-ik-ta-ša 6 ša iš-tu É a-bi-ša 7 ub-lam 8 ⸢ú⸣-[š]a-lam-šim-ma 9 it-ta-al-la-ak (§150) 10 šum-ma a-wi-lum 11 a-na aš-ša-ti-šu 12 A.ŠÀ {giš}KIRI₆ É 13 ù bi-ša-am 14 iš-ru-uk-šim 15 ku-nu-uk-kam 16 i-zi-ib-ši-im 17 wa-ar-ki mu-ti-ša 18 DUMU{meš}-ša ú-ul i-ba-qá-ru-ši 19 um-mu-um 20 wa-ar-ka-sà 21 a-na DUMU-ša 22 ša i-ra-am-mu 23 i-na-ad-di-in 24 a-na a-ḫi-im 25 ú-ul i-na-ad-di-in (§151) 26 šum-ma MUNUS 27 ša i-na É a-wi-lim 28 wa-aš-ba-at 29 aš-šum be-el ḫu-bu-ul-lim 30 ša mu-ti-ša 31 la ṣa-ba-ti-ša 32 mu-sà úr-ta-ak-ki-is 33 DUB-pa-am 34 uš-te-zi-ib 35 šum-ma a-wi-lum šu-ú 36 la-ma MUNUS šu-a-ti 37 i-iḫ-ḫa-zu 38 ḫu-bu-ul-lum 39 e-li-šu 40 i-ba-aš-ši 41 be-el ḫu-bu-ul-li-šu 42 aš-ša-sú 43 ú-ul i-ṣa-ba-tu 44 ù šum-ma MUNUS ši-i 45 la-ma a-na É a-wi-lim 46 i-ir-ru-bu 47 ḫu-bu-ul-lum 48 e-li-ša 49 i-ba-aš-ši 50 be-el ḫu-bu-ul-li-ša 51 mu-sà ú-ul i-ṣa-ba-tu (§152) 52 šum-ma iš-tu 53 MUNUS ši-i 54 a-na É a-wi-lim 55 i-ru-bu 56 e-li-šu-nu 57 ḫu-bu-ul-lum 58 it-tab-ši 59 ki-la-la-šu-nu 60 DAM.GÀR i-ip-pa-lu (§153) 61 šum-ma aš-ša-at a-wi-lim 62 aš-šum zi-ka-ri-im 63 ša-ni-im 64 mu-sà uš-di-ik 65 MUNUS šu-a-ti i-na ga-ši-ši-im 66 i-ša-ak-ka-nu-ši (§154) 67 šum-ma a-wi-lum 68 DUMU.MUNUS-sú 69 il-ta-ma-ad 70 a-wi-lam šu-a-ti 71 URU ú-še-eṣ-ṣú-ú-šu (§155) 72 šum-ma a-wi-lum 73 a-na DUMU-šu 74 É.GI₄.A i-ḫi-ir-ma 75 DUMU-šu il-ma-sí 76 šu-ú wa-ar-ka-nu-um-ma 77 i-na sú-ni-ša 78 it-ta-ti-il-ma 79 iṣ-ṣa-ab-tu-šu 80 a-wi-lam šu-a-ti 81 i-ka-sú-šu-ma 82 a-na me-e X r 1 i-na-[a]d-du-ú-šu!(ŠI) (§156) 2 šum-ma a-wi-lum 3 a-na DUMU-šu 4 É.GI₄.A 5 i-ḫi-ir-ma 6 DUMU-šu la il-ma-sí-ma 7 šu-ú i-na sú-ni-ša 8 it-ta!(ŠA)-ti-il 9 1/2 MA.NA KÙ.BABBAR 10 i-ša-qal-ši-im-ma 11 ù mi-im-ma 12 ša iš-tu 13 É a-bi-ša 14 ub-lam 15 ú-ša-lam-ši-im-ma 16 mu-tu li-ib-bi-ša 17 i-iḫ-ḫa-as-sí (§157) 18 šum-ma a-wi-lum 19 wa-ar-ki a-bi-šu 20 i-na sú-un um-mi-šu 21 ⸢it⸣-ta-ti-il 22 ki-la-li-šu-nu 23 i-qal-lu-ú-šu-nu-ti (§158) 24 šum-ma a-wi-lum 25 wa-ar-ki a-bi-šu 26 i-na sú-un 27 ra-bi-ti-šu 28 ša DUMU{meš} wa-al-da-at 29 it-ta-aṣ-ba-at 30 a-wi-lum šu-ú 31 i-na É A.BA 32 in-na-as-sà-aḫ (§159) 33 šum-ma a-wi-lum 34 ša a-na É e-mi-šu 35 bi-ib-lam 36 ú-ša-bi-lu 37 ter-ḫa-tam id-di-nu 38 a-na MUNUS ša-ni-tim 39 ub-ta-al-li-iṣ-ma 40 a-na e-mi-šu 41 DUMU.MUNUS-ka 42 ú-ul a-ḫa-az iq-ta-bi 43 a-bi DUMU.MUNUS 44 mi-im-ma 45 ša ib-ba-ab-lu-šum 46 i-tab-ba-al (§160) 47 šum-ma a-wi-lum 48 a-na É e-mi-im 49 bi-ib-lam 50 ú-ša-bi-il 51 ter-ḫa-tam 52 id-di-in-ma 53 a-bi DUMU.MUNUS 54 DUMU.MUNUS-i ú-ul a-na-ad-di-ik-kum 55 iq-ta-bi 56 mi-im-ma ma-la 57 ib-ba-ab-lu-⸢šum⸣ 58 uš-ta-ša-an-na-ma 59 ú-ta-ar (§161) 60 šum-ma a-wi-lum 61 a-na É e-mi-šu 62 bi-ib-lam ú-ša-bíl 63 ter-ḫa-tam 64 id-di-in-ma 65 i-bi-ir-šu 66 uk-tar-ri-sú 67 e-mu-šu 68 a-na be-el aš-ša-tim 69 DUMU.MUNUS-i ú-ul ta-aḫ-ḫa-az 70 iq-ta-bi 71 mi-im-ma ma-la 72 ib-ba-ab-lu-šum 73 uš-ta-ša-an-na-ma 74 ú-ta-ar 75 ù aš-ša-sú 76 i-bi-ir-šu 77 ú-ul i-iḫ-ḫa-az (§162) 78 šum-ma a-wi-lum 79 aš-ša-tam 80 i-ḫu-uz 81 DUMU{meš} ú-li-súm-ma 82 MUNUS ši-i 83 a-na ši-im-tim XI r 1 it-ta-la-ak 2 a-na še-ri-ik-ti-ša 3 a-bu-ša 4 ú-ul i-ra-ag-gu-um 5 še-ri-ik-ta-ša 6 ša DUMU{meš}-ša-ma (§163) 7 šum-ma a-wi-lum 8 aš-ša-tam 9 i-ḫu-uz-ma 10 DUMU{meš} la ú-šar-ši-šu 11 MUNUS ši-i 12 a-na ši-im-tim 13 it-ta-la-ak 14 šum-ma ter-ḫa-tam 15 ša a-wi-lum šu-ú 16 a-na É e-mi-šu ub-lu 17 e-mu-šu 18 ut-te-er-šum 19 a-na še-ri-ik-ti 20 MUNUS šu-a-ti 21 mu-sà ú-ul i-ra-ag-gu-um 22 še-ri-ik-ta-ša 23 ša É a-bi-ša-ma (§164) 24 šum-ma e-mu-šu 25 ter-ḫa-tam 26 la ut-te-er-šum 27 i-na še-ri-ik-ti-ša 28 ma-la ter-ḫa-ti-ša 29 i-ḫar-ra-aṣ-ma 30 še-ri-ik-ta-ša 31 a-na É a-bi!(TA)-ša 32 ú-ta-ar (§165) 33 šum-ma a-wi-lum 34 a-na IBILA-šu 35 ša i-in-šu maḫ-ru 36 A.ŠÀ {giš}KIRI₆ ù É 37 iš-ru-uk 38 ku-nu-kam iš-ṭur-šum 39 wa-ar-ka a-bu-um 40 a-na ši-im-tim 41 it-ta-al-ku 42 i-nu-ma aḫ-ḫu 43 i-zu-uz-zu 44 qí-iš-ti a-bu-um 45 id-di-nu-šum 46 i-le-qé-ma 47 e-le-nu-um-ma 48 i-na NÍG.GA É A.BA 49 mi-it-ḫa-ri-iš 50 i-zu-uz-zu (§166) 51 šum-ma a-wi-lum 52 a-na DUMU{meš} ša ir-šu-ú 53 aš-ša-tim i-ḫu-uz 54 a-na DUMU-šu 55 ṣe-eḫ-ri-im 56 aš-ša-tam 57 la i-ḫu-uz 58 wa-ar-ka a-bu-um 59 a-na ši-im-tim 60 it-ta-al-ku 61 i-nu-ma aḫ-ḫu 62 i-zu-uz-zu 63 i-na NÍG.GA É A.BA 64 a-na a-ḫi-šu-nu 65 ṣe-eḫ-ri-im 66 ša aš-ša-tam 67 la aḫ-zu 68 e-li-a-at 69 zi-it-ti-šu 70 KÙ.BABBAR ter-ḫa-tim 71 i-ša-ak-ka-nu-šum-ma 72 aš-ša-tam 73 ú-ša-aḫ-ḫa-zu-šu (§167) 74 šum-ma a-wi-lum 75 aš-ša-tam 76 i-ḫu-uz-ma 77 DUMU{meš} ú-li-súm 78 MUNUS ši-i 79 a-na ši-im-tim 80 it-ta-la-ak 81 wa-ar-ki-ša 82 MUNUS ša-ni-tam 83 i-ta-ḫa-az-ma 84 DUMU{meš} it-ta-la-ad 85 wa-ar-ka<<-nu-um>> 86 a-bu-um a-na ši-im-tim 87 it-ta-al-ku XII r 1 DUMU{meš} a-na um-ma-tim 2 ú-ul i-zu-uz-zu 3 še-ri-ik-ti 4 um-ma-ti-šu-nu 5 i-le-qú-ma 6 NÍG.GA É A.BA 7 mi-it-ḫa-ri-iš 8 i-zu-uz-zu (§168) 9 šum-ma a-wi-lum 10 a-na DUMU-šu 11 na-sa-ḫi-im 12 pa-nam iš-ta-ka-an 13 a-na da-a-a-ni 14 DUMU-i a-na-sà-aḫ iq-ta-bi 15 da-a-a-nu 16 wa-ar-ka-sú 17 i-pár-ra-su-ma 18 šum-ma DUMU ar-nam kab-tam 19 ša i-na ap-lu-tim 20 na-sa-ḫi-im 21 la ub-lam 22 a-bu-um DUMU-šu 23 i-na ap-lu-tim 24 ú-ul i-na-sà-aḫ (§169) 25 šum-ma ar-nam kab-tam 26 ša i-na ap-lu-tim 27 na-sa-ḫi-im 28 a-na a-bi-šu 29 it-ba-lam 30 a-na iš-ti-iš-šu 31 pa-ni-šu ub-ba-lu 32 šum-ma ar-nam kab-tam 33 a-di ši-ni-šu it-ba-lam 34 a-bu-um DUMU-šu 35 i-na ap-lu-tim 36 i-na-sà-aḫ (§170) 37 šum-ma a-wi-lum 38 ḫi-ir-ta-šu 39 DUMU{meš} ú-li-súm 40 ù GÉME-sú 41 DUMU{meš} ú-li-súm 42 a-bu-um 43 i-na bu-ul-ṭì-šu 44 a-na DUMU{meš} ša GÉME ul-du-šum 45 DUMU{meš}-ú-a iq-ta-bi 46 it-ti DUMU{meš} ḫi-ir-tim 47 im-ta-nu-šu-nu-ti 48 wa-ar-ka a-bu-um 49 a-na ši-im-tim 50 it-ta-al-ku 51 i-na NÍG.GA É A.BA 52 DUMU{meš} ḫi-ir-tim 53 ù DUMU{meš} GÉME 54 mi-it-ḫa-ri-iš 55 i-zu-uz-zu 56 IBILA DUMU ḫi-ir-tim 57 i-na zi-it-tim 58 i-na-sà-aq-ma 59 i-le-qé (§171) 60 ù šum-ma a-bu-um 61 i-na bu-ul-ṭì-šu 62 a-na DUMU{meš} ša GÉME ul-du-šum 63 DUMU{meš}-ú-a la iq-ta-bi 64 wa-ar-ka a-bu-um 65 a-na ši-im-tim 66 it-ta-al-ku 67 i-na NÍG.GA É A.BA 68 DUMU{meš} GÉME 69 it-ti DUMU{meš} ḫi-ir-tim 70 ú-ul i-zu-uz-zu 71 an-du-ra-ar 72 GÉME ù DUMU{meš}-ša 73 iš-ša-ak-ka-an 74 DUMU{meš} ḫi-ir-tim 75 a-na DUMU{meš} GÉME 76 a-na wa-ar-du-tim 77 ú-ul i-ra-ag-gu-mu (§171b) 78 ḫi-ir-tum 79 še-ri-ik-ta-ša 80 ù nu-du-na-am 81 ša mu-sà 82 id-di-nu-ši-im 83 i-na DUB-pí-im 84 iš-ṭú-ru-ši-im 85 i-le-qé-ma 86 i-na šu-ba-at 87 mu-ti-ša uš-ša-ab XIII r 1 a-di ba-al-ṭa-at i-ik-ka-al 2 a-na KÙ.BABBAR 3 ú-ul i-na-ad-di-in 4 wa-ar-ka-sà 5 ša DUMU{meš}-ša-ma (§172) 6 šum-ma mu-sà 7 nu-du-un-na-am 8 la id-di-iš-ši-im 9 še-ri-ik-ta-ša 10 ú-ša-la-mu-ši-im-ma 11 i-na NÍG.GA 12 É mu-ti-ša 13 zí-it-tam 14 ki-ma IBILA iš-te-en 15 i-le-qé 16 šum-ma DUMU{meš}-ša 17 aš-šum i-na É šu-ṣí-im 18 ú-sà-aḫ-ḫa-mu-ši 19 da-a-a-nu 20 wa-ar-ka-sà 21 i-pár-ra-su-ma 22 DUMU{meš} ar-nam 23 i-im-mi-du 24 MUNUS ši-i 25 i-na É mu-ti-ša 26 ú-ul uṣ-ṣí 27 šum-ma MUNUS ši-i 28 a-na wa-ṣe-em 29 ⸢pa-ni⸣-ša 30 iš-ta-ka-an 31 nu-du-un-na-am 32 ša mu-sà 33 id-di-nu-ši-im 34 a-na DUMU{meš}-ša 35 i-iz-zi-ib 36 še-ri-ik-tam 37 ša É a-bi-ša 38 i-le-qé-ma 39 mu-ut li-ib-bi-ša 40 i-iḫ-ḫa-as-sí (§173) 41 šum-ma MUNUS ši-i 42 a-šar i-ru-bu 43 a-na mu-ti-ša 44 wa-ar-ki-im 45 DUMU{meš} it-ta-la-ad 46 wa-ar-ka MUNUS ši-i im-tu-ut 47 še-ri-ik-ta-ša 48 DUMU{meš} maḫ-ru-tum 49 ù wa-ar-ku-tum 50 i-zu-uz-zu (§174) 51 šum-ma a-na mu-ti-ša 52 wa-ar-ki-im 53 DUMU{meš} la it-ta-la-ad 54 še-ri-ik-ta-ša 55 DUMU{meš} ḫa-wi-ri-ša-ma 56 i-le-qú-ú (§175) 57 šum-ma lu ÌR É.GAL 58 ù lu ÌR 59 MAŠ.EN.GAG 60 DUMU.MUNUS a-wi-lim 61 i-ḫu-uz-ma 62 DUMU{meš} 63 it-ta-la-ad 64 be-el ÌR 65 a-na DUMU{meš} 66 DUMU.MUNUS a-wi-lim 67 a-na wa-ar-du-tim 68 ú-ul i-ra-ag-gu-um (§176) 69 ù šum-ma ÌR É.GAL 70 ù lu ÌR MAŠ.EN.GAG 71 DUMU.MUNUS a-wi-lim 72 i-ḫu-uz-ma 73 i-nu-ma i-ḫu-zu-ši 74 qá-du-um 75 še-ri-ik-tim 76 ša É a-bi-ša 77 a-na É ÌR É.GAL 78 ù lu ÌR MAŠ.EN.GAG 79 i-ru-ub-ma 80 iš-tu in-ne-em-du 81 É i-pu-šu 82 bi-ša-am ir-šu-ú 83 wa-ar-ka-nu-um-ma 84 lu ÌR É.GAL 85 ù lu ÌR MAŠ.EN.GAG 86 a-na ši-im-tim 87 it-ta-la-ak 88 DUMU.MUNUS a-wi-lim 89 še-ri-ik-ta-ša 90 i-le-qé 91 ù mi-im-ma 92 ša mu-sà ù ši-i XIV r 1 iš-tu in-ne-em-du 2 ir-šu-ú 3 a-na ši-ni-šu 4 i-zu-uz-zu-ma 5 mi-iš-lam be-el ÌR 6 i-le-qé 7 mi-iš-lam 8 DUMU.MUNUS a-wi-lim 9 a-na DUMU{meš}-ša i-le-qé (§176b) 10 šum-ma DUMU.MUNUS a-wi-lim 11 še-ri-ik-tam la i-šu 12 mi-i[m]-ma ša mu-⸢sà⸣ ù ši-i 13 iš-tu in-ne-em-du 14 ir-šu-ú 15 a-na ši-ni-šu 16 i-zu-uz-zu-ma 17 mi-iš-lam be-el ÌR 18 i-le-qé 19 mi-iš-lam 20 DUMU.MUNUS a-wi-lim 21 a-na DUMU{meš}-ša i-le-qé (§177) 22 šum-ma NU.MU.SU 23 ša DUMU{meš}-ša 24 ṣe-eḫ-ḫe-ru 25 a-na É ša-ni-im 26 e-re-bi-im 27 pa-ni-ša 28 iš-ta-ka-an 29 ba-lum da-a-a-ni 30 ú-ul i-ir-ru-ub 31 i-nu-ma 32 a-na É ša-ni-im 33 i-ir-ru-bu 34 da-a-a-nu 35 wa-ar-ka-at 36 É mu-ti-ša 37 pa-ni-im 38 i-pár-ra-su-ma 39 É ša mu-ti-ša 40 pa-ni-im 41 a-na mu-ti-ša 42 wa-ar-ki-im 43 ù MUNUS šu-a-ti 44 i-pa-aq-qí-du-ma 45 DUB-pa-am 46 ú-še-ez-ze-bu-šu-nu-ti 47 É i-na-ṣa-ru 48 ù ṣe-eḫ-ḫe-ru-tim 49 ú-ra-ab-bu-ú 50 ú-ni-a-tim 51 a-na KÙ.BABBAR 52 ú-ul i-na-ad-di-nu 53 ša-a-a-ma-nu-um 54 ša ú-nu-ut 55 DUMU{meš} NU.MU.SU 56 i-ša-am-mu 57 i-na KÙ.BABBAR-šu 58 i-te-el-li 59 NÍG.GA a-na be-lí-šu 60 i-ta-ar (§178) 61 šum-ma NIN.DINGIR LUKUR 62 ù lu {munus}ZI.IK.RU.UM 63 ša a-bu-ša 64 še-ri-ik-tam 65 iš-ru-ku-ši-im 66 DUB-pa-am 67 iš-ṭú-ru-ši-im 68 i-na DUB-pí-im 69 ša iš-ṭú-ru-ši-im 70 wa-ar-ka-sà 71 e-ma e-li-ša 72 ṭa-bu na-da-nam 73 la iš-ṭur-ši-im-ma 74 ma-la li-ib-bi-ša 75 la ú-ša-am-ṣí-ši 76 wa-ar-ka a-bu-um 77 a-na ši-im-tim 78 it-ta-al-ku 79 A.ŠÀ-ša ù {giš}KIRI₆-ša 80 aḫ-ḫu-ša 81 i-le-qú-ma 82 ki-ma e-mu-uq 83 zi-it-ti-ša 84 ŠE.BA Ì.BA ù SIKI.BA 85 i-na-ad-di-nu-šim-ma 86 li-ib-ba-ša 87 ú-ṭa-ab-bu 88 šum-ma aḫ-ḫu-ša 89 ki-ma e-mu-uq 90 zi-it-ti-ša 91 ŠE.BA Ì.BA ù SIKI.BA 92 la it-ta-ad-nu-ši-im-ma XV r 1 li-ib-ba-ša 2 la uṭ-ṭi-ib-bu 3 A.ŠÀ-ša ù {giš}KIRI₆-ša 4 a-na er-re-ši-im 5 ša e-li-ša ṭa-bu 6 i-na-ad-di-in-ma 7 er-re-sà 8 it-ta-na-aš-ši-ši 9 A.ŠÀ {giš}KIRI₆ 10 ù mi-im-ma 11 ša a-bu-ša 12 id-di-nu-ši-im 13 a-di ba-al-ṭa-at ì-kal 14 a-na KÙ.BABBAR 15 ú-ul i-na-ad-di-in 16 ša-ni-a-am 17 ú-ul ú-up-pa-al 18 ap-lu-sà 19 ša aḫ-ḫi-ša-ma (§179) 20 šum-ma NIN.DINGIR LUKUR 21 ù lu {munus}ZI.IK.RU.UM 22 ša a-bu-ša 23 še-ri-ik-tam 24 iš-ru-ku-ši-im 25 ku-nu-kam 26 iš-ṭú-ru-ši-im 27 i-na DUB-pí-im 28 ša iš-ṭú-ru-ši-im 29 wa-ar-ka-sà 30 e-ma e-li-ša ṭa-bu 31 na-da-nam 32 iš-ṭur-ši-im-ma 33 ma-la li-ib-bi-ša 34 uš-tam-ṣí-ši 35 wa-ar-ka a-bu-um 36 a-na ši-im-tim 37 it-ta-al-ku 38 wa-ar-ka-sà 39 e-ma e-li-ša ṭa-bu 40 i-na-ad-di-in 41 aḫ-ḫu-ša 42 ú-ul i-ba-aq-qá-ru-ši (§180) 43 šum-ma a-bu-um 44 a-na DUMU.MUNUS-šu 45 LUKUR ⸢GÁ/É⸣.GI₄.A 46 ù lu {munus}ZI.IK.RU.UM 47 še-ri-ik-tam 48 la iš--uk-ši-im 49 wa-ar-ka a-bu-um 50 a-na ši-im-tim 51 it-ta-al-ku 52 i-na NÍG.GA ⸢É⸣ A.BA 53 zí-it-tam ki-ma 54 ap-lim iš-te-en 55 i-za-az-ma 56 a-di ba-al-ṭa-at 57 i-ik-ka-al 58 wa-ar-ka-sà 59 ša aḫ-ḫi-ša-ma (§181) 60 šum-ma a-bu-um 61 LUKUR NU.GIG 62 ù lu NU.BAR 63 a-na DINGIR iš-ši-ma 64 še-ri-ik-tam 65 la iš-ru-uk-ši-im 66 wa-ar-ka a-bu-um 67 a-na ši-im-tim 68 it-ta-al-ku 69 i-na NÍG.GA É A.BA 70 IGI.3.GÁL IBILA-ša 71 i-za-az-ma 72 a-di ba-al-ṭa-at 73 i-ik-ka-al 74 wa-ar-ka-sà 75 ša aḫ-ḫi-ša-ma (§182) 76 šum-ma a-bu-um 77 a-na DUMU.MUNUS-šu 78 LUKUR {d}AMAR.UD 79 ša KÁ!(É).DINGIR.RA{⸢ki⸣} 80 še-ri-ik-tam 81 la iš-ru-uk-ši-im 82 ku-nu-kam 83 la iš-ṭur-ši-im 84 wa-ar-ka a-bu-um 85 a-na ši-im-tim 86 it-ta-al-ku 87 i-na NÍG.GA É A.BA 88 IGI.3.GÁL IBILA-ša 89 it-ti aḫ-ḫi-ša 90 i-za-az-ma 91 il-kam 92 ú-ul i-il-la-ak 93 LUKUR {d}AMAR.UD 94 wa-ar-ka-sà 95 e-ma e-li-ša 96 ṭa-bu XVI r 1 i-na-ad-di-in (§183) 2 šum-ma a-bu-um 3 a-na DUMU.MUNUS-šu šu-gi₄-tim 4 še-ri-ik-tam 5 iš-ru-uk-ši-im 6 a-na mu-tim 7 id-di-iš-ši 8 ku-nu-uk-kam 9 iš-ṭur-ši-im 10 wa-ar-ka a-bu-um 11 a-na ši-im-tim 12 it-ta-al-ku 13 i-na NÍG.GA É A.BA 14 ú-ul i-za-az (§184) 15 šum-ma a-wi-lum 16 a-na DUMU.MUNUS-šu 17 šu-gi₄-tim 18 še-ri-ik-tam 19 la iš-ru-uk-šim 20 a-na mu-tim 21 la id-di-iš-ši 22 wa-ar-ka a-bu-um 23 a-na ši-im-tim 24 it-ta-al-ku 25 aḫ-ḫu-ša 26 ki-ma e-mu-uq É A.BA 27 še-ri-ik-tam 28 i-šar-ra-ku-ši-⸢im⸣-ma 29 a-na mu-tim 30 i-na-ad-di-nu-ši (§185) 31 šum-ma a-wi-lum 32 ṣe-eḫ-ra-am 33 i-na me-e-šu 34 a-na ma-ru-tim 35 il-qé-ma 36 úr-ta-ab-bi-šu 37 tar-bi-tum ši-i 38 ú-ul ib-ba-aq-qar (§186) 39 šum-ma a-wi-lum 40 ṣe-eḫ-ra-am 41 a-na ma-ru-tim il-qé 42 i-nu-ma 43 il-qú-ú-šu 44 a-ba-šu 45 ù um-ma-šu 46 i-ḫi-a-aṭ 47 tar-bi-tum ši-i 48 a-na É a-bi-šu 49 i-ta-ar (§187) 50 DUMU GÌR.SÈ.GA 51 mu-za-az É.GAL 52 ù DUMU {munus}ZI.IK.RU.UM 53 ú-ul ib-ba-aq-qar (§188) 54 šum-ma DUMU UM.MI.A 55 DUMU a-na tar-bi-tim 56 il-qé-ma 57 ši-pí-ir qá-ti-šu 58 uš-ta-ḫi-sú 59 ú-ul ib-ba-qar (§189) 60 šum-ma ši-pí-ir qá-ti-šu 61 la uš-ta-ḫi-sú 62 tar-bi-tum ši-i 63 a-na É a-bi-šu 64 i-ta-ar (§190) 65 šum-ma a-wi-lum 66 ṣe-eḫ-ra-am 67 ša a-na ma-ru-ti-šu 68 il-qú-šu-ma 69 ú-ra-ab-bu-šu 70 it-ti DUMU{meš}-šu 71 la im-ta-nu-šu 72 tar-bi-tum ši-i 73 a-na É a-bi-šu 74 i-ta-ar (§191) 75 šum-ma a-wi-lum 76 ṣe-eḫ-ra-am 77 ša a-na ma-ru-ti-šu 78 il-qú-šu-ma 79 ú-ra-ab-bu-ú-šu 80 É-sú!(BA) i-pu-uš 81 wa-ar-ka DUMU{meš} 82 ir-ta-ši-ma 83 a-na tar-bi-tim na-sa-ḫi-im 84 pa-nam iš-ta-ka-an 85 DUMU šu-ú ri-qú-sú 86 ú-ul it-ta-al-la-ak 87 a-bu-um mu-ra-bi-šu 88 i-na NÍG.GA-šu 89 IGI.3.GÁL IBILA-šu 90 i-na-ad-di-iš-šum-ma 91 it-ta-la-ak 92 i-na A.ŠÀ {giš}KIRI₆ 93 ù É (94/95) ú-ul i-na-ad-di-iš-šum (§192) 96 šum-ma DUMU GÌR.SÈ.GA XVII r 1 ù lu DUMU {munus}ZI.IK.RU.[U]M 2 a-na a-bi-im 3 mu-ra-bi-šu 4 ù um-mi-im 5 mu-ra-bi-ti-šu 6 ú-ul a-⸢bi⸣ at-ta 7 ú-ul um-mi at-ti iq-ta-⸢bi⸣ 8 EME-šu 9 i-na-ak-ki-⸢su⸣ (§193) 10 šum-ma DUMU GÌR.SÈ.GA 11 ù lu DUMU {munus}ZI.IK.RU.UM 12 É a-bi-šu 13 ú-we-ed-di-ma 14 a-ba-am 15 mu-ra-bi-šu 16 ù um-ma-⸢am⸣ 17 mu-ra-bi-sú 18 i-zé-er-ma 19 a-na É a-bi-šu 20 it-ta-la-ak 21 i-in-šu 22 i-na-sà-ḫu (§194) 23 šum-ma a-wi-lum 24 DUMU-šu a-na mu-še-ni-iq-tim 25 id-di-in-ma 26 DUMU šu-⸢ú⸣ 27 i-n[a] qá-at mu-še-ni-iq-[t]im 28 im-tu-ut 29 mu-še-ni-iq-t[u]m 30 ba-lum a-bi-šu 31 ù um-mi-šu 32 DUMU ša-ni-a-am-ma 33 ir-ta-ka-⸢ás⸣ 34 ú-ka-an-nu-ši-ma 35 aš-šum ba-lum a-bi-[š]u 36 ù um-mi-⸢šu⸣ 37 DUMU ša-ni-a-a[m] 38 ir-ku-[s]u 39 UBUR-⸢ša⸣ 40 i-na-ak-ki-⸢su⸣ (§195) 41 šum-ma DUMU a-b[a]-šu 42 im-ta-ḫa-aṣ 43 KIŠIB.LÁ-šu 44 i-na-ak-ki-su (§196) 45 šum-ma a-wi-lum 46 i-in DUMU a-wi-lim 47 úḫ-tap-pí-id 48 i-in-šu 49 ú-ḫa-ap-pa-du (§197) 50 šum-ma GÌR.PAD.DU a-wi-lim 51 iš-te-bi-ir 52 GÌR.PAD.DU-šu 53 i-še-eb-bi-ru (§198) 54 šum-ma i-in MAŠ.EN.GAG 55 úḫ-tap-pí-id 56 ù lu GÌR.PAD!(NÍG).DU MAŠ.EN.GAG 57 iš-te-bi-ir 58 1 MA.NA KÙ.BABBAR 59 i-ša-qal (§199) 60 šum-ma i-in ÌR a-wi-lim 61 úḫ-tap-pí-id 62 ù lu GÌR.PAD.DU ÌR a-wi-lim 63 iš-te-bi-ir 64 mi-ši-il ŠÁM-šu 65 i-ša-qal (§200) 66 šum-ma a-wi-lum 67 ši-in-ni a-wi-lim 68 me-eḫ-ri-šu 69 it-ta-di 70 ši-in-na-šu i-na-ad-du-ú (§201) 71 šum-ma ši-in-ni 72 MAŠ.EN.GAG it-ta-di 73 1/3 MA.NA KÙ.BABBAR 74 i-ša-qal (§202) 75 šum-ma a-wi-lum 76 le-e-et a-wi-lim 77 ša e-li-šu ra-bu-ú 78 im-ta-ḫa-aṣ 79 i-na pu-úḫ-ri-im 80 i-na {kuš}ÙSAN GU₄ 81 1 šu-ši im-maḫ-ḫa-aṣ (§203) 82 šum-ma DUMU a-wi-lim 83 le-e-et DUMU a-wi-lim 84 ša ki-ma šu-a-ti 85 im-ta-ḫa-aṣ 86 1 MA.NA KÙ.BABBAR 87 i-ša-qal (§204) 88 šum-ma MAŠ.EN.GAG 89 le-e-et MAŠ.EN.GAG 90 im-ta-ḫa-aṣ 91 10 GÍN KÙ.BABBAR i-ša-qal (§205) 92 šum-ma ÌR a-wi-lim 93 le-e-et DUMU a-wi-lim XVIII r 1 im-ta-ḫa-aṣ 2 ú-zu-un-šu 3 i-na-ak-ki-su (§206) 4 šum-ma a-wi-lum a-wi-lam 5 i-na ri-is-ba-tim 6 im-ta-ḫa-aṣ-ma 7 sí-im-ma-am 8 iš-ta-ka-an-šu 9 a-wi-lum šu-ú 10 i-na i-du-ú 11 la am-ḫa-ṣú 12 i-tam-ma 13 ù A.ZU i-ip-pa-al (§207) 14 šum-ma i-na ma-ḫa-ṣí-šu 15 im-tu-ut 16 i-tam-ma-ma 17 šum-ma DUMU a-wi-lim 18 1/2 MA.NA KÙ.BABBAR 19 i-ša-qal (§208) 20 šum-ma DUMU MAŠ.EN.GAG 21 1/3 MA.NA KÙ.BABBAR 22 i-ša-qal (§209) 23 šum-ma a-wi-lum 24 DUMU.MUNUS a-wi-lim 25 im-ḫa-aṣ-ma 26 ša li-ib-bi-ša 27 uš-ta-di-ši 28 10 GÍN KÙ.BABBAR 29 a-na ša li-ib-bi-ša 30 i-ša-qal (§210) 31 šum-ma MUNUS ši-i 32 im-tu-ut 33 DUMU.MUNUS-sú 34 i-du-uk-ku (§211) 35 šum-ma DUMU.MUNUS MAŠ.EN.GAG 36 i-na ma-ḫa-ṣí-im 37 ša li-ib-bi-ša 38 uš-ta-ad-di-ši 39 5 GÍN KÙ.BABBAR 40 i-ša-qal (§212) 41 šum-ma MUNUS ši- 42 im-tu-ut 43 1/2 MA.⸢NA KÙ⸣.BABBAR 44 i-ša-qal (§213) 45 šum-ma GÉME a-wi-lim 46 im-ḫa-aṣ-ma 47 ša li-ib-bi-ša 48 uš-ta-ad-di-ši 49 2 GÍN KÙ.BABBAR 50 i-ša-qal (§214) 51 šum-ma GÉME ši-i 52 im-tu-ut 53 1/3 MA.NA KÙ.BABBAR 54 i-ša-qal (§215) 55 šum-ma A.ZU 56 a-wi-lam sí-im-ma-am kab-tam 57 i-na GÍR.GAG!(NI).ZABAR 58 i-pu-uš-ma 59 a-wi-lam ub-ta-al-li-iṭ 60 ù lu na-kap-ti a-wi-lim 61 i-na GÍR.GAG.ZABAR 62 ip-te-ma 63 i-in a-wi-lim 64 ub-ta-al-li-iṭ 65 10 GÍN KÙ.BABBAR 66 i-le-qé (§216) 67 šum-ma DUMU MAŠ.EN.GAG 68 5 GÍN KÙ.BABBAR 69 i-le-qé (§217) 70 šum-ma ÌR a-wi-lim 71 be-el ÌR a-na A.ZU 72 2 GÍN KÙ.BABBAR 73 i-na-ad-di-in (§218) 74 šum-ma A.ZU a-⸢wi-lam⸣ 75 sí-im-ma-am kab-tam 76 i-na GÍR.GAG!(NI).ZABAR 77 i-pu-uš-ma 78 a-wi-lam uš-ta-mi-it 79 ù lu na-kap!(Á)-ti a-wi-lim 80 i-na GÍR.GAG!(NI).ZABAR 81 ip-te-ma i-in a-wi-lim 82 úḫ-tap-pí-id 83 KIŠIB.LÁ-šu i-na-ki-su (§219) 84 šum-ma A.ZU sí-ma-am kab-tam 85 ÌR MAŠ.EN.GAG 86 i-na GÍR.GAG!(NI).ZABAR 87 i-pu-uš-ma uš-ta-mi-it 88 ÌR ki-ma ÌR i-ri-ab (§220) 89 šum-ma na-kap-ta-šu 90 i-na GÍR.GAG!(NI).ZABAR 91 ip-te-ma 92 i-in-šu úḫ-tap--id!(DA) 93 KÙ.BABBAR mi-ši-il 94 ŠÁM-šu i-ša-qal (§221) 95 šum-ma A.ZU 96 GÌR.PAD.DU a-wi-lim XIX r 1 še-bi-ir-tam 2 uš-ta-li-im 3 ù lu še-er-ḫa-nam 4 mar-ṣa-am 5 ub-ta-al-li-iṭ 6 be-el si₂₀-im-mi-im 7 a-na A.ZU 8 5 GÍN KÙ.BABBAR 9 i-na-ad-di-in (§222) 10 šum-ma DUMU MAŠ.EN.GAG 11 3 GÍN KÙ.BABBAR 12 i-na-ad-di-in (§223) 13 šum-ma ÌR a-wi-lim 14 be-el ÌR 15 a-na A.ZU 16 2 GÍN KÙ.BABBAR 17 i-na-ad-di-in (§224) 18 šum-ma A.ZU GU₄ 19 ù lu ANŠE 20 lu GU₄ ù lu ANŠE 21 si₂₀-im-ma-am kab-tam 22 i-pu-uš-ma 23 ub-ta-al-li-iṭ 24 be-el GU₄ ù lu ANŠE 25 IGI.6.GÁL KÙ.BABBAR 26 a-na A.ZU 27 Á-šu 28 i-na-ad-di-in (§225) 29 šum-ma GU₄ ù lu ANŠE 30 sí-im-ma-am kab-tam 31 i-pu-uš-ma 32 uš-ta-mi-it 33 IGI.4?.GÁL ŠÁM-šu 34 a-na be-el GU₄ ù lu ANŠE 35 i-na-ad-di-in (§226) 36 šum-ma ŠU.I 37 ba-lum be-el ÌR 38 ab-bu-ti 39 ÌR la še-e-em 40 ú-gal-li-ib 41 KIŠIB.LÁ ŠU.I šu-a-ti 42 i-na-ak-ki-sú (§227) 43 šum-ma a-wi-lum 44 ⸢ŠU.I⸣ ⸢i-da-aṣ⸣-ma 45 ab-bu-ti 46 ÌR la še-e-em 47 ug-da-al-li-ib 48 a-wi-lam šu-a-ti 49 i-du-uk-ku-šu-ma 50 i-na KÁ-šu 51 i-ḫa-al-la-lu-šu 52 ŠU.I i-na i-du-ú 53 la ú-gal-li-bu 54 i-tam-ma-ma 55 ú-ta-aš-šar (§228) 56 šum-ma ŠITIM 57 É a-na a-wi-lim 58 i-pu-uš-ma 59 ú-ša-ak-li-il-šum 60 a-na 1 SAR É 61 2 GÍN KÙ.BABBAR 62 a-na qí-iš-ti-šu 63 i-na-ad-di-iš-šum (§229) 64 šum-ma ŠITIM 65 a-na a-wi-lim 66 É i-pu-uš-ma 67 ši-pí-ir-šu 68 la ú-dan-ni-in-ma 69 É i-pu-šu 70 ⸢im-qú{?}⸣-ut-ma 71 be-el É uš-ta-mi-it 72 ŠITIM šu-ú id-da-ak (§230) 73 šum-ma DUMU be-el É 74 uš-ta-mi-it 75 DUMU ŠITIM šu-a-ti 76 i-du-uk-ku (§231) 77 šum-ma ÌR be-el É 78 uš-ta-mi-it 79 ÌR ki-ma ÌR 80 a-na be-el É 81 i-na-ad-di-in (§232) 82 šum-ma NÍG.GA 83 úḫ-ta-al-li-iq 84 mi-im-ma 85 ša ú-ḫal-li-qú 86 i-ri-ab 87 ù aš-šum É i-pu-šu 88 la ú-dan-ni-nu-ma 89 im-qú-tu 90 i-na NÍG.GA 91 ra-ma-ni-šu 92 É im-qú-tu i-ip-pé-eš (§233) 93 šum-ma ŠITIM É 94 a-na a-wi-lim i-pu-uš-ma 95 ši-pí-ir-šu 96 la uš-te-eṣ-bi-ma 97 É.GAR₈ iq-tu-up 98 ŠITIM šu-ú XX r 1 i-na KÙ.BABBAR ra-ma-ni-šu 2 É.GAR₈ šu-a-ti 3 ú-dan-na-an (§234) 4 šum-ma MÁ.LAḪ₅ 5 {giš}MÁ.60.GUR 6 a-na a-wi-lim ip-ḫe 7 2 GÍN KÙ.BABBAR 8 a-na qí-iš-ti-šu 9 i-na-ad-di-iš-šum (§235) 10 šum-ma MÁ.LAḪ₅ 11 {giš}MÁ a-na a-wi-lim 12 ip-ḫe-ma 13 ši-pí-ir-šu 14 la ú-ták-ki-il-ma 15 i-na ša-at-tim-ma šu-a-ti 16 {giš}MÁ ši-i 17 iz-za-pár 18 ḫi-ṭi-tam ir-ta-ši 19 MÁ.LAḪ₅ 20 {giš}MÁ šu-a-ti 21 i-na-qar-ma 22 i-na NÍG.GA ra-ma-ni-šu 23 ú-dan-na-an-ma 24 {giš}MÁ dan-na-tam 25 a-na be-el {giš}MÁ 26 i-na-ad-di-in (§236) 27 šum-ma a-wi-lum 28 {giš}MÁ-šu 29 a-na MÁ.LAḪ₅ 30 a-na ig-ri-im 31 id-di-in-ma 32 MÁ.LAḪ₅ i-gi-ma 33 {giš}MÁ uṭ-ṭe₄-bi 34 ù lu úḫ-ta-al-li-iq 35 MÁ.LAḪ₅ {giš}MÁ 36 a-na be-el {giš}MÁ 37 i-ri-a-ab (§237) 38 šum-ma a-wi-lum 39 MÁ.LAḪ₅ ù {giš}MÁ 40 i-gur-ma 41 ŠE SIKI Ì.GIŠ ZÚ.LUM 42 ⸢ù⸣ mi-im-ma šum-šu 43 ša ṣe-nim 44 i-ṣe-en-ši 45 MÁ.LAḪ₅ šu-ú 46 i-gi-ma 47 {giš}MÁ uṭ-ṭe₄-eb-bi 48 ù ša li-ib-bi-ša 49 úḫ-ta-al-li-iq 50 MÁ.LAḪ₅ 51 {giš}MÁ ša ú-ṭe₄-eb-bu-ú 52 ù mi-im-ma 53 ša i-na li-ib-bi-ša 54 ú-ḫal-li-qú 55 i-ri-a-ab (§238) 56 šum-ma MÁ.LAḪ₅ 57 {giš}MÁ a-wi-lim 58 ú-ṭe₄-eb-bi-ma 59 uš-te-li-a-aš-š[i] 60 KÙ.BABBAR mi-ši-i[l] ŠÁM-š[a] 61 i-na-ad-di-i[n] (§239) 62 šum-ma a-wi-[lu]m 63 MÁ.LAḪ₅ [i-gur] 64 6 [ŠE.GUR] 65 i-na ša-n[a-at] 66 i-na-a[d-di]-iš-[šum] (§240) 67 šum-ma {gi}[{š}MÁ] 68 ša ma-ḫi-i[r-tim] 69 {giš}MÁ ša m[u-uq]-qé-el-pí-[tim] 70 im-ḫa-aṣ-⸢ma⸣ 71 uṭ-ṭe₄-eb-⸢bi⸣ 72 be-el {giš}MÁ ša {giš}MÁ-šu ṭe₄-bi-a-⸢at⸣ 73 mi-im-ma ša i-na {giš}MÁ-šu ḫal-qú 74 i-na ma-ḫar i-lim 75 ú-ba-ar-ma 76 ša ma-ḫi-ir-tim 77 ša {giš}MÁ ša mu-uq-qé-el-pí-tim 78 ú-ṭe₄-eb-bu-ú 79 {giš}MÁ-šu ù mi-im-ma-šu ḫal-qá-am 80 i-ri-a-ab-šum (§241) 81 šum-ma a-wi-lum 82 GU₄ a-na ni-pu-tim 83 it-te-pé 84 1/3 MA.NA KÙ.BABBAR i-ša-qal (§242) 85 šum-ma a-wi-lum 86 a-na MU.1 i-gur 87 Á GU₄.Á.ÙR.RA 88 4 ŠE.GUR (§"243") 89 Á GU₄.ÁB.MÚRU.SAG 90 3 ŠE.GUR a-na be-lí-šu 91 i-na-ad-di-in (§244) XXI r 1 šum-ma a-wi-lum 2 GU₄ ANŠE i-gur-ma 3 i-na ṣe-ri-im 4 UR.MAḪ id-du-uk-šu 5 a-na be-lí-šu-ma (§245) 6 šum-ma a-wi-lum 7 GU₄ i-gur-ma 8 i-na me-gu-tim 9 ù lu i-na ma-ḫa-ṣí-im 10 uš-ta-mi-it 11 GU₄ ki-ma GU₄ 12 a-na be-el GU₄ 13 i-ri-a-ab (§246) 14 šum-ma a-wi-lum 15 GU₄ i-gur-ma 16 GÌR-šu iš-te-bi-ir 17 ù lu la-bi-a-an-šu 18 it-ta-ki-is 19 GU₄ ki-ma GU₄ 20 a-na be-el GU₄ 21 i-ri-a-ab (§247) 22 šum-ma a-wi-lum 23 GU₄ i-gur-ma 24 IGI-šu úḫ-tap--id 25 KÙ.BABBAR mi-ši-il ŠÁM-šu 26 a-na be-el GU₄ 27 i-na-ad-di-in (§248) 28 šum-ma a-wi-lum 29 GU₄ i-gur-ma 30 SI-šu iš-bi-ir 31 KUN-sú it-ta-ki-is 32 ù lu {uzu}SA.SAL-šu 33 it-ta-sa-AG 34 KÙ.BABBAR IGI.4?.GÁL ŠÁM-šu 35 i-na-ad-di-in (§249) 36 šum-ma a-wi-lum 37 GU₄ i-gur-ma 38 i-lum im-ḫa-sú-ma 39 im-tu-ut 40 a-wi-lum ša GU₄ i-gu-ru 41 ni-iš i-lim 42 i-za-kar-ma 43 ú-ta-aš-šar (§250) 44 šum-ma GU₄ ⸢su/sú(?)⸣-qá-am 45 i-na a-la-ki-šu 46 a-wi-lam 47 ik-ki-ip-ma 48 uš-ta-mi-it 49 di-nu-um šu-ú 50 ru-gu-um-ma-am 51 ú-ul i-šu (§251) 52 ⸢šum-ma⸣ GU₄ a-wi-lim 53 na-ak-⸢ka-pí-ma⸣ 54 ki-ma na-ak-k[a]-pu-⸢ú⸣ 55 ba-ab-ta-šu 56 ú-še-di-šum-ma 57 qar-ni-šu 58 la ú-šar-[r]i-im 59 GU₄-šu ⸢la⸣ ú-sa-an-ni-iq-ma 60 GU₄ šu-ú 61 DUMU a-wi-lim 62 i[k-k]i-ip-ma 63 u[š-ta]-mi-it 64 1/2 [MA].NA KÙ.BABBAR 65 ⸢i⸣-[na]-ad-di-in (§252) 66 [šum-m]a ÌR a-wi-lim 67 ⸢1/3⸣(?) MA.NA KÙ.BABBAR 68 ⸢i⸣-na-ad-di-in (§253) 69 [š]um-ma a-wi-lum a-wi-lam 70 a-na pa-ni A.ŠÀ-šu 71 ú-zu-uz-zi-im 72 i-gur-ma 73 [A]L.DÙ.A-am 74 [i]-qí-ip-šu 75 [ÁB].GU₄{ḫi-a} [i]p-qí-súm 76 [a-na(?)] ⸢A⸣.ŠÀ e-re-ši-im ⸢ú⸣-ra-ak-ki-sú 77 [šu]m-ma a-wi-lum šu-ú 78 ŠE.NUMUN ù lu ŠÀ.GAL 79 iš-ri-iq-ma 80 i-na qá-ti-šu 81 it-ta-aṣ-ba-at 82 KIŠIB.LÁ-šu i-na-ak-ki-su (§254) 83 šum-ma AL.DÙ.A-am 84 il-qé-ma ÁB.GU₄{ḫi-a} 85 ú-te-en-ni!(GAG)-iš 86 ⸢ta⸣-⸢aš/áš(?)⸣-na ŠE ša im-ḫu!(RI)-ru 87 i-ri-ab (§255) 88 šum-⸢ma⸣ ÁB.GU₄{ḫi-a} 89 a-wi-lim a-[n]a ig-ri-im 90 it-ta-di-in 91 ù lu ŠE.[NU]MUN iš-ri-iq-ma 92 i-na A.[Š]À la uš-tab-ši 93 a-wi-lam šu-a-ti 94 ú-ka-an-[n]u-šu-ma 95 i-na BU[RU₁₄ 18 I]KU.E 96 60 ŠE.GU[R] ⸢i-ma⸣-ad-da-ad (§256) 97 šum-[m]a pí-ḫa-sú 98 a-⸢pa⸣-lam la i-le-i 99 i-na A.ŠÀ šu-a-ti i-na ÁB.GU₄{ḫi-a} 100 im-ta-na-aš-ša-⸢ru⸣-šu (§257) 101 šum-ma a-wi-⸢lum⸣ XXII r 1 ENGAR i-gur 2 8 ŠE.GUR 3 i-na MU.1.KAM 4 i-na-ad-di-iš-šum (§258) 5 šum-ma a-wi-lum 6 ŠÀ.GU₄ i-gur 7 6 ŠE.GUR 8 i-na MU.1.KAM 9 i-na-ad-di-iš-šum (§259) 10 šum-ma a-wi-lum 11 {giš}APIN i-na A.GÀR 12 iš-ri-iq 13 5 GÍN KÙ.BABBAR 14 a-na be-el {giš}APIN 15 i-na-ad-di-in (§260) 16 šum-ma {giš}APIN.TÚG.KIN 17 ù lu {giš}GÁN.ÙR 18 iš-ta-ri-iq 19 3 GÍN KÙ.BABBAR 20 i-na-ad-di-in (§261) 21 šum-ma a-wi-lum 22 NA.GADA a-na ÁB.GU₄{ḫi-a} 23 ù U₈.UDU{ḫi-a} 24 re-im i-gur 25 8 ŠE.GUR 26 i-na MU.1.KAM 27 i-na-ad-di-iš-šum (§262) 28 šum-ma a-wi-lum 29 GU₄ ù lu ⸢UDU⸣ 30 a-na […] (Lücke von 6 Zeilen) (§263) 37 šum-m[a GU₄] ù lu [UDU] 38 ša in-na-ad-nu-š[um] 39 úḫ-ta-al-li-[iq] 40 GU₄ ki-ma [GU₄] 41 UDU ki-ma [UDU] 42 a-na be-lí-[šu-nu] 43 i-ri-a-[ab] (§264) 44 šum-ma [SIPA] 45 ša ÁB.G[U₄{ḫi-a]} 46 ù lu U₈.[UDU{ḫi-a]} 47 a-na r[e-im] 48 in-na-[ad-n]u-šu[m] 49 Á-šu g[a-a]m-ra-tim 50 ma-⸢ḫi⸣-ir 51 li-i[b]-ba-šu ṭa-ab 52 ÁB.[G]U₄{ḫi-a} 53 ⸢uṣ-ṣa⸣-aḫ-ḫi-ir 54 [U₈].UDU{ḫi-a} 55 uṣ-ṣa-aḫ-ḫi-ir 56 ta-li-it-tam um-ta-ṭi 57 a-na KA ri-ik-sa-ti-šu 58 ta-li-it-tam 59 ù bi-il-tam 60 i-na-ad-di-in (§265) 61 šum-ma SIPA 62 ša ÁB.GU₄{ḫi-a} 63 ù lu U₈.UDU{ḫi-a} 64 a-na re-im 65 in-na-ad-nu-šum 66 ú-sa-ar-ri-ir-ma 67 ši-im-tam ut-ta-ak-ki-ir 68 ù a-na KÙ.BABBAR 69 it-ta-di-in 70 ú-ka-an-nu-šu-ma 71 A.RÁ 10-šu ša iš-ri-qú 72 ÁB.GU₄{ḫi-a} 73 ù U₈.UDU{ḫi-a} 74 a-na be-lí-šu-nu 75 i-ri-a-ab (§266) 76 šum-ma i-na TÙR 77 li-pí-it DINGIR it-tab-ši 78 ù lu UR.MAḪ id-du-uk SIPA ma-ḫar!(ḪI) DINGIR 79 ú-ub-ba-am-ma 80 mi-qí-it-ti TÙR 81 be-el TÙR i-maḫ-ḫar-šu (§267) 82 šum-ma SIPA i-gu!(GÉME)-ma 83 i-na TÙR pé-sà-tam uš-tab-ši 84 SIPA ḫi-ṭi-it pé-sà-tim 85 ša i-na TÙR ú-ša-ab-šu-ú 86 ÁB.GU₄{ḫi-a} ù U₈.UDU{ḫi-a} 87 ú-ša-lam-ma 88 a-na be-lí-šu-nu 89 i-na-ad-di-in (§268) 90 šum-ma a-wi-lum GU₄ 91 a-na di-a-ši-im i-gur 92 0.0.2 ŠE Á-šu (§269) 93 šum-ma ANŠE 94 a-na di-a-ši-im i-gur 95 0.0.1 ŠE Á-šu (§270) 96 šum-ma MÁŠ 97 a-na di-a-ši-im i-gur 98 0.0.0.1 SÌLA ŠE Á-šu (§271) 99 šum-ma a-wi-lum 100 ÁB.GU₄{ḫi-a} {giš}MAR.GÍD.DA 101 ù mu-úr-te-di-ša i-gur XXIII r 1 i-na UD.1.KAM 0.3.0 ŠE 2 i-na-ad-di-in (§272) 3 šum-ma a-wi-lum 4 {giš}MAR.GÍD.DA-ma 5 a-na ra-ma-ni-ša i-gur 6 i-na UD.1.KAM 0.0.4 ŠE 7 i-na-ad-di-in (§273) 8 šum-ma a-wi-lum 9 LÚ.ḪUN.GÁ i-gur 10 iš-tu re-eš ša-at-tim 11 a-di ḫa-am-ši-im ITI-im 12 6 ŠE KÙ.BABBAR 13 i-na UD.1.KAM 14 i-na-ad-di-in 15 iš-tu ši-ši-im ITI-im 16 a-di ta-aq-ti-it!(DA) ša-at-tim 17 5 ŠE KÙ.BABBAR 18 i-na UD.1.KAM 19 i-na-ad-di-in (§274) 20 šum-ma a-wi-lum 21 DUMU UM.MI.A 22 i-ig-ga-a[r] 23 Á LÚ-[x] 24 5 ŠE K[Ù.BA]BBAR 25 Á LÚ.[TÚG.D]U₈.A 26 ⸢5⸣ [ŠE KÙ].BABBAR 27 [Á L]Ú.GADA 28 [x ŠE] KÙ.BABBAR 29 [Á BU]R.GUL 30 [x ŠE KÙ].BABBAR 31 [Á ZA]DIM? 32 [x ŠE KÙ].BABBAR 33 [Á SI]MUG 34 [x ŠE KÙ].BABBAR 35 [Á] NAGAR 36 ⸢4⸣? ŠE KÙ.BABBAR 37 Á AŠGAB 38 [x] ŠE KÙ.BABBAR 39 ⸢Á⸣ AD.KID 40 [x] ⸢ŠE⸣ KÙ.BABBAR 41 [Á] ŠITIM 42 [x ŠE KÙ].BABBAR 43 [i-na UD].1.KAM 44 [i-na-ad-d]i-in (§275) 45 [šum-ma a]-wi-lum 46 [x x x] x i-gur 47 ⸢i-na⸣ UD.1.KAM 48 3 ŠE KÙ.BABBAR Á-ša (§276) 49 šum-ma ma-ḫi-ir-tam i-gur 50 2 1/2 ŠE KÙ.BABBAR Á-ša 51 i-na UD.1.KAM 52 i-na-ad-di-in (§277) 53 šum-ma a-wi-lum 54 {giš}MÁ.60.GUR i-gur 55 i-na UD.1.KAM 56 IGI.6.GÁL KÙ.BABBAR Á-ša 57 i-na-ad-di-in (§278) 58 šum-ma a-wi-lum 59 ÌR GÉME i-ša-am-ma 60 ITI-šu la im-la-ma 61 bé-en-ni e-li-šu (62/63) im-ta-qú-ut a-na na-di-na-ni-šu ú-⸢ta-ar⸣-ma 64 ša-a-a-ma-nu-um 65 KÙ.BABBAR iš-qú-lu 66 i-le-qé (§279) 67 šum-ma a-wi-lum 68 ÌR GÉME i-ša-am-ma 69 ba-aq-ri ir-ta-ši 70 na-di-na-an-šu 71 ba-aq-ri i-ip-pa-al (§280) 72 šum-ma a-wi-lum 73 i-na ma-at 74 nu-ku-úr-tim 75 ÌR GÉME ša a-wi-lim 76 iš-ta-am 77 i-nu-ma 78 i-na li-ib-bu KALAM 79 it-ta-al-kam-ma 80 be-el ÌR ù lu GÉME 81 lu ÌR-sú ù lu GÉME-sú 82 ú-te-ed-di 83 šum-ma ÌR ù GÉME šu-nu 84 DUMU{meš} ma-tim 85 ba-lum KÙ.BABBAR-ma 86 an-du-ra-ar-šu-nu 87 iš-ša-ak-ka-an (§281) 88 šum-ma DUMU{meš} ma-tim ša-ni-tim 89 ša-a-a-ma-nu-ma 90 i-na ma-ḫar i-lim 91 KÙ.BABBAR iš-qú!(LU)-lu 92 i-qá!(BI)-ab-bi-ma 93 be-el ÌR ù lu GÉME 94 KÙ.BABBAR iš-qú-lu a-na DAM.GÀR 95 i-na-ad-di-in-ma 96 lu ÌR-sú lu GÉME-sú i-pa-ṭár!(AG) (§282) 97 šum-ma ÌR a-na be-lí-šu 98 ú-ul be-lí at-ta 99 iq-ta-bi 100 ki-ma ÌR-sú 101 ú-ka-an-šu-ma 102 be-el-šu ú-zu-un-šu i-na-ak-ki-is (Epilog) XXIV r 1 di-na-a-at 2 mi-ša-ri-im 3 ša Ḫa-am-mu-ra-bi 4 šar-ru-um le-ú-um 5 ú-ki-in-nu-ma 6 ma-tam ú-sa-am ki-n[a]m 7 ù ri-dam dam-qá-am 8 ú-ša-aṣ-bi-tu 9 Ḫa-am-mu-ra-bi 10 šar-ru-um gi-it-ma-lum a-na-ku 11 a-na SAG.GI₆ 12 ša {d}En-líl iš-ru-kam 13 re-ú-sí-na 14 {d}AMAR.UD i-din-nam 15 ú-ul e-gu 16 a-ḫi ú-ul ad-di 17 aš-ri šu-ul-mi-im 18 eš-te-i-ši-na-ši[m] 19 pu-⸢uš⸣-qí wa-[aš-ṭ]ú-tim 20 ú-[p]e-et-ti 21 n[u-r]a-am ú-še-ṣí-ši-na-ši-im 22 i-na {giš}TUKUL da-an-nim 23 ša {d}Za-ba₄-ba₄ 24 ù {d}INANNA 25 ú-ša-at-li-mu-nim 26 i-na IGI.GÁL 27 ša {d}En-ki i-ši-ma-am 28 i-na le-ú-tim 29 ša {d}AMAR.UD id-di-nam 30 na-ak-ri e-li-iš 31 ù ša-ap-li-iš as-sú-úḫ 32 qá-ab-la-tim ú-bé-el-li 33 ši-ir ma-tim 34 ú-ṭì-ib 35 ni-ši da-ad-mi 36 a-bu-úr-ri 37 ú-šar-bí-iṣ 38 mu-gal-li-tam 39 ú-ul ú-šar-ši-ši-na-ti 40 DINGIR GAL.GAL 41 ib-bu-ú-nin-ni-ma 42 a-na-ku-ma 43 SIPA mu-ša-al-li-mu-um 44 ša {giš}GIDRU-šu 45 i-ša-ra-at 46 ṣi-lí ṭa-bu-um 47 a-na URU-ia 48 ta-ri-iṣ 49 i-na ut-li-ia 50 ni-ši KALAM Šu-me-rí-im 51 ù Ak-ka-di-im 52 ú-ki-il 53 i-na la-ma-sí-ia 54 iḫ-ḫi-ša 55 i-na šu-ul-mi-im 56 at-tab-ba-al-ši-na-ti 57 i-na ne-me-qí-ia 58 uš-tap-zí-ir-ši-na-ti 59 dan-nu-um en-ša-am 60 a-na la ḫa-ba-lim 61 NU.SIKI NU.MU.SU 62 šu-te-šu-ri-im 63 i-na KÁ.DINGIR.RA{ki} 64 URU ša AN ù {d}En-líl 65 re-ši-šu 66 ú-u[l]-lu-ú 67 i-na É-sag-⸢íl⸣ 68 É ša ki-ma ša-me-e 69 ù er-ṣe-tim SUḪUŠ-šu ki-na 70 di-in ma-tim a-na di-a-nim 71 pu-ru-sé-e ma-tim 72 a-na pa-ra-si-im 73 ḫa-ab-lim šu-te-šu-ri-im 74 a-wa-ti-ia šu-qú-ra-tim 75 i-na NA.RU-ia aš-ṭur-ma 76 i-na ma-ḫar ALAM-ia 77 LUGAL mi-ša-ri-im 78 ú-ki-in 79 LUGAL ša in LUGAL-rí 80 šu-tu-ru a-na-ku 81 a-wa-tu-ú-a na-ás-qá 82 le-ú-ti ša-ni-nam 83 ú-ul i-šu!(NA) 84 i-na qí-bí-it {d}UTU 85 da-a-a-nim ra-bi-im 86 ša AN ù KI 87 mi-ša-ri i-na KALAM 88 li-iš-te-pí 89 i-na a-wa-at 90 {d}AMAR.UD be-lí-ia 91 ú-ṣú-ra-tu-ú-a 92 mu-ša-sí-⸢kam⸣ a ir-ši-a 93 i-na É-sag-íl 94 ša a-ra-am-mu šu-mi i-na da-mi-iq-tim XXV r 1 a-na da-ar 2 li-iz-za-ki-ir 3 a-wi-lum ḫa-ab-lum 4 ša a-wa-tam 5 i-ra-aš-šu-ú 6 a-na ma-ḫa-ar ALAM-ia 7 LUGAL mi-ša-ri-im 8 li-il-li-ik-ma 9 NA.RU-i 10 ša-aṭ-ra-am 11 li-iš-ta-ás-si-ma 12 a-wa-ti-ia 13 šu-qú-ra-tim 14 li-iš-me-ma 15 NA.RU-i a-wa-tam 16 li-kál-lim-šu 17 di-in-šu li-mu-úr 18 li-⸢ib-ba-šu⸣ 19 l[i-n]a-ap-pí-iš-ma 20 [Ḫa]-am-mu-ra-bi-mi 21 be-lum ša ki-ma a-bi-im 22 wa-li-di-im 23 a-na ni-ši 24 i-ba-aš-šu-ú 25 a-na a-wa-at 26 {d}AMAR.UD be-lí-šu 27 uš-ta-ak-ti-it-ma 28 ir-ni-ti {d}AMAR.UD 29 e-li-iš 30 ù ša-ap-li-iš 31 ik-šu-ud 32 li-ib-bi {d}AMAR.UD 33 be-lí-šu ú-ṭì-ib 34 ù ši-ra-am ṭa-ba-am 35 a-na ni-ši 36 a-na da-ar i-ši-im 37 ù ma-tam 38 uš-te-še-er 39 á-ni-tam 40 li-iq-bi-ma 41 i-na ma-ḫar 42 {d}AMAR.UD be-lí-ia 43 {d}Zar-pa-ni-tum 44 be-el-ti-ia 45 i-na li-ib-bi-šu 46 ga-am-ri-im 47 li-ik-ru-ba-am 48 še-du-um la-ma-súm 49 DINGIR.DINGIR e-ri-bu-ut 50 É-sag-íl 51 SIG₄ É-sag-íl 52 i-gi-ir-re-e 53 u₄-mi-ša-am 54 i-na ma-ḫar 55 {d}AMAR.UD be-lí-ia 56 {d}Zar-pa-ni-tum 57 be-el-ti-ia 58 li-dam-mi-qú (59/60) a-na wa-ar-ki-a-at u₄-mi 61 a-na ma-ti-ma 62 LUGAL ša i-na KALAM 63 ib-ba-aš-šu-ú 64 a-wa-a-at 65 mi-ša-ri-im 66 ša i-na NA.RU-ia 67 aš-ṭú-ru li-ṣur 68 di-in ma-tim 69 ša a-di-nu 70 pu-ru-sé-e KALAM 71 ša ap-ru-su 72 a ú-na-ak-ki-ir 73 ú-ṣú-ra-ti-ia 74 a ú-ša-sí-ik 75 šum-ma a-wi-lum šu-ú 76 ta-ši-im-tam i-šu-ma 77 ma-sú šu-te-šu-ra-am i-le-i 78 a-na a-wa-a-tim 79 ša i-na NA.RU-ia aš-ṭú-ru li-qúl-ma 80 ki-ib-sa-am ri-dam 81 di-in KALAM ša a-di-nu 82 pu-ru-sé-e KALAM 83 ša ap-ru-su 84 NA.RU-um šu-ú 85 li-kál-lim-šu-ma 86 ṣa-al-ma-at qá-qá-di-šu 87 li-iš-te-še-er 88 di-in-ši-na li-di-in 89 pu-ru-sà-ši-na 90 li-ip-ru-ús 91 i-na ma-ti-šu ra-ga-am 92 ù ṣe-nam li-sú-úḫ 93 ši-ir ni-ši-šu 94 li-ṭi-ib 95 Ḫa-am-mu-ra-bi 96 LUGAL mi-ša-ri-im 97 ša {d}UTU ki-na-tim 98 iš-ru-ku-šum a-na-ku 99 a-wa-tu-ú-a na-ás-qá 100 ep-še-tu-ú-a 101 ša-ni-nam 102 ú-ul i-ša-a (103/4) e-la a-na la ḫa-sí-im ri-qá 105 a-na em-qí-im XXVI r 1 a-na ta-na-da-tim šu-ṣa-a 2 šum-ma a-wi-lum šu-ú 3 a-na a-wa-ti-ia 4 ša i-na NA.RU-ia aš-ṭú-ru 5 i-qúl-ma 6 di-ni la ú-ša-as-sí-ik 7 a-wa-ti-ia 8 la uš-te-pe-el 9 ú-ṣú-ra-ti-ia 10 la ú-na-ki-ir 11 a-wi-lum šu-ú 12 ki-ma ia-ti 13 LUGAL mi-ša-ri-im 14 {d}UTU {giš}GIDRU-šu 15 li-ir-ri-ik 16 ni-⸢ši-šu⸣ 17 i-na mi-ša-ri-im li-re 18 šum-ma a-wi-lum šu-ú 19 a-wa-ti-ia 20 ša i-na NA.RU-ia 21 aš-ṭú-ru 22 la i-qúl-ma 23 er-re-ti-ia 24 i-me-eš-ma 25 er-re-et ì-lí 26 la i-dur-ma 27 di-in a-di-nu 28 up-ta-as-sí-is 29 a-wa-ti-ia 30 uš-te-pe-el 31 ú-ṣú-ra-ti-ia 32 ut-ta-ak-ki-ir 33 šu-mi ša-aṭ-ra-am 34 ip-ši-iṭ-ma 35 šum-šu iš-ta-ṭár 36 aš-šum er-re-tim!(ŠUM) ši-na-ti 37 ša-ni-a-am-ma 38 uš-ta-ḫi-iz 39 a-wi-lum šu-ú 40 lu LUGAL 41 lu EN 42 lu ÉNSI 43 ù lu a-wi-lu-tum 44 ša šu-ma-am na-bi-a-at 45 AN ra-bu-um 46 a-bu ì-lí 47 na-bu-ú BALA-ia 48 ME.LÁM šar-ru-tim 49 li-ṭe₄-er-šu 50 {giš}GIDRU-šu 51 li-iš-bi-ir 52 ši-ma-ti-šu li-ru-ur 53 {d}En-líl be-lum 54 mu-ši-im ši-ma-tim 55 ša qí-bí-sú 56 la ut-ta-ka-ru 57 mu-šar-bu-ù 58 šar-ru-ti-ia 59 te-ši la šu-up-pí-im 60 ga-ba-ra-aḫ 61 ḫa-la-qí-šu 62 i-na šu-ub-ti-šu 63 li-ša-AB-BI-ḫa-aš-šum 64 BALA ta-ne-ḫi-im 65 u₄-mi i-ṣú-tim 66 ša-na-a-at 67 ḫu-ša-aḫ-ḫi-im 68 ek-le-et 69 la na-wa-ri-im 70 mu-ut ni-ṭi-il i-nim 71 a-na ši-im-tim 72 li-ši-im-šum 73 ḫa-la-aq URU-šu 74 na-ás-pu-úḫ ni-ši-šu 75 šar-ru-sú šu-pé-lam 76 šum-šu ù zi-kir-šu 77 i-na ma-tim 78 la šu-ub-ša-a-am 79 i-na KA-šu kab-tim 80 li-iq-bi 81 {d}Nin-líl 82 AMA ra-bí-tum 83 ša qí-bí-sà 84 i-na É-kur kab-ta-at 85 NIN mu-dam-mi-qá-at 86 i-gi-ir-re-ia 87 a-šar ši-ip-ṭi-im 88 ù pu-ru-sé-em 89 i-na ma-ḫar {d}En-líl 90 a-wa-sú li-le-mi-in 91 šu-ul-pu-ut ma-ti-šu 92 ḫa-la-aq ni-ši-šu 93 ta-ba-ak na-piš-ti-šu 94 ki-ma me-e 95 i-na KA {d}En-líl 96 šar-ri-im 97 li-ša-aš-ki-in 98 {d}En-ki NUN ra-bi-um 99 ša ši-ma-tu-šu 100 i-na maḫ-ra i-la-ka 101 ABGAL ì-lí 102 mu-de mi-im-ma šum-šu 103 mu-ša-ri-ku XXVII r 1 u₄-um ba-la-ṭi-ia 2 uz-nam 3 ù ne-me-qá-am 4 li-ṭe₄-er-šu-ma 5 i-na mi-ši-tim 6 li-it-ta-ar-ru-šu 7 I₇.I₇-šu 8 i-na na-ag-bi-im 9 li-is-ki-ir 10 i-na er-ṣe-ti-šu 11 {d}ÉZINU 12 na-pí-iš-ti ni-ši 13 a ú-ša-ab-ši 14 {d}UTU da-a-a-nu-um ra-bi-um 15 ša ša-me-e 16 ù er-ṣe-tim 17 mu-uš-⸢te⸣-še-er 18 ša-ak-na-at na-pí-iš-tim 19 be-lum tu-kúl-ti 20 šar-ru-sú li-is-ki-ip 21 di-in-šu 22 a i-di-in 23 ú-ru-úḫ-šu li-ši 24 SUḪUŠ!(DU) um-ma-ni-šu 25 li-iš-ḫe-⸢el⸣-ṣí 26 i-na bi-ri-šu 27 UZU lem-nam 28 ša na-sa-aḫ 29 SUḪUŠ šar-ru-ti-šu 30 ù ḫa-la-aq ma-ti-šu li-iš-ku-un-šum 31 a-wa-tum ma-ru-uš-tum 32 ša {d}UTU ar-ḫi-iš 33 li-ik-šu-sú 34 e-li-iš 35 i-na ba-a[l]-ṭú-tim 36 li-is-sú-úḫ-šu 37 ša-ap-li-iš 38 i-na er-ṣe-tim 39 GIDIM₄.GIDIM₄-šu 40 me-e li-ša-az-mi 41 {d}EN.⸢ZU⸣ be-el ša-me-e 42 DINGIR ba-ni-i 43 ša še-re-sú 44 i-na ì-lí šu-pa-a-at 45 AGA {giš}GU.ZA ša šar-ru-tim 46 li-ṭe₄-er-šu 47 ar-nam kab-tam 48 še-re-sú ra-bi-tam 49 ša i-na zu-um-ri-šu 50 la i-ḫal-li-qú 51 li-mu-sú-ma 52 u₄-mi ITI.ITI 53 ša-na-a-at BALA-šu 54 i-na ta-ne-ḫi-im 55 ù di-im-ma-tim 56 li-ša-aq-ti 57 kam-ma-al šar-ru-tim 58 li-ša-aṭ-ṭi-il-šu 59 ba-la-ṭam 60 ša it-ti mu-tim 61 ši-ta-an-nu 62 a-na ši-im-tim 63 li-ši-im-šum 64 {d}IŠKUR be-el ḪÉ.GÁL 65 GÚ.GAL ša-me-e 66 ù er-ṣe-tim 67 re-ṣú-ú-a 68 zu-ni i-na ša-me-e 69 mi-lam 70 i-na na-ag-bi-im 71 li-ṭe₄-er-šu 72 ma-sú 73 i-na ḫu-ša-aḫ-ḫi-im 74 ù bu-bu-tim 75 li-ḫal-li-iq 76 e-li URU-šu 77 ez-zi-iš 78 li-is-si-ma 79 ma-sú a-na DU₆ a-bu-bi-im 80 li-te-er 81 {d}Za-ba₄-ba₄ 82 qar-ra-du-um ra-bi-um 83 DUMU re-eš-tu-um 84 ša É-kur 85 a-li-ku im-ni-ia 86 a-šar tám-ḫa-ri-im 87 {giš}TUKUL-šu li-iš-bi-ir 88 u₄-ma-am a-na mu-ši-im 89 li-te-er-šum-ma 90 na-ki-ir-šu e-li-šu 91 li-iš-zi-iz 92 {d}INANNA be-le-et 93 ME₆ ù ŠEN.⸢ŠEN⸣ 94 pa-ti-a-at 95 {giš}⸢TUKUL⸣-ia 96 la-ma-sí 97 da-mi-iq-tum 98 ra-i-ma-at BALA-ia 99 i-na li-ib-bi-ša 100 ag-gi-im 101 i-na uz-za-ti-ša 102 ra-bí-a-tim 103 šar-ru-sú li-ru-ur 104 dam-qá-ti-šu 105 a-na le-em-ne-tim 106 li-te-er XXVIII r 1 <> 2 a-šar ME₆ ù ŠEN.ŠEN 3 {giš}TUKUL-šu 4 li-iš-b[i]-ir 5 i-ši-tam 6 sà-aḫ-ma-aš-tam 7 li-iš-ku-un-šum 8 qar-ra-di-šu 9 li-ša-am-qí-it 10 da-mi-šu-nu 11 er-ṣe-tam li-iš-qí 12 gu-ru-un 13 ša-al-ma-at 14 um-ma-na-ti-šu 15 i-na ṣe-ri-im 16 li-it-ta-ad-di 17 ÉREN-⸢šu-ma(?) re-ma⸣-am 18 a-i ú-šar-ši 19 šu-a-ti 20 a-na qá-at na-ak-ri-šu 21 li-ma-al-li-šu-ma 22 a-na ma-at nu-ku-úr-ti-šu 23 ka-mi-iš li-ru-šu 24 {d}NÈ.ERI₁₁.GAL 25 dan-nu-um i-na ì-lí 26 qá-ba-al la ma-ḫa-ar 27 mu-ša-ak-ši-du 28 ir-ni-ti-ia 29 i-na ka-šu-ši-šu 30 ra-bi-im 31 ki-ma i-ša-tim 32 ez-ze-tim ša a-pí-im 33 ni-ši-šu 34 li-iq-me 35 in {giš}TUKUL-šu dan-nim 36 li-ša-ti-šu-ma 37 bi-ni-a-ti-šu 38 ki-ma ṣa-lam ṭi-ṭi-im 39 li-iḫ-bu-uš 40 {d}Nin-tu 41 NIN ṣi-ir-tum 42 ša ma-ta-tim 43 AMA ba-ni-ti 44 IBILA li-ṭe₄-er-šu-ma 45 šu-ma-am 46 a ú-šar-ši-šu 47 i-na qer-bi-it ni-ši-šu 48 NUMUN a-wi-lu-tim 49 a ib-ni 50 {d}Nin-kar-ra-ak 51 DUMU.MUNUS AN-nim 52 qá-bi-a-at 53 dum-qí-ia 54 i-na É-kur 55 mur-ṣa-am kab-tam 56 Á.ZÁG le-em-nam 57 sí-im-ma-am mar-ṣa-am 58 ša la i-pa-aš-še-ḫu 59 A.ZU!(SU) qé-re-eb-šu 60 la i-lam-ma-du 61 i-na ṣí-im-di 62 la ú-na-aḫ-ḫu-šu 63 ki-ma ni-ši-ik mu-tim la in-na-sà-ḫu 64 i-na bi-ni-a-ti-šu 65 li-ša-ṣi-a-aš-šum-ma 66 a-di na-pí-iš-ta-šu 67 i-bé-el-lu-ú 68 a-na eṭ-lu-ti-šu 69 li-id!(DA)-dam-ma-am 70 DINGIR GAL.GAL 71 ša ša-me-e 72 ù er-ṣe-tim 73 {d}A.NUN.NA 74 i-na ŠU+NÍGIN-šu-nu 75 še-ed bi-tim 76 SIG₄ É-babbar-ra 77 šu-a-ti 78 NUMUN-šu 79 ma-sú ÉREN-šu 80 ni-ši-šu 81 ù um-ma-an-šu 82 er-re-tam 83 ma-ru-uš-tam li-ru-ru 84 er-re-tim 85 á!(DA)-ni-a-tim 86 {d}En-líl 87 i-na KA-šu 88 ša la ut-ta-ak-ka-ru 89 li-ru-ur-šu-ma 90 ar-ḫi-iš 91 li-ik-šu-da-šu